السبت، 9 مايو 2009

جرح في القلب



جرح في القلب

قلت عنها أنها توأمى .. هذا الارتياح و السعادة أول مرة قابلتها .. قلت وجدتها .. ستكون صديقتى .. لا أذكر كيف تعارفنا .. فقط أدركت أننا متماثلتين تماما .. لا أستطيع و لو جمعت كل ذكائى و قدرتى على الوصف أن أصفها .. رقتها الشديدة .. خجلها .. عقلها .. تدينها .. جمالها .. هى كنزى ..
أسرفت بشدة فى حبها كنت أحسد نفسي و أنا معها .. أنظر إليها كأنها مخلوق سماوى .. كسرت الحواجز التي لم تكن عائقا أمام أمواج حبها الشديد في قلبى .. تناسيت و للأسف " أحبب حبيبك هونا ما عسى أن يكون عدوك يوما ما " ممسوحة هى كلمة عدوك من قاموسي .. لا أعلم كيف استطعت نطقها حتى !!
لا أعرف كيف غاب نور الشمس فجأة في منتصف النهار .. جاءت سحب كثيفة تجري مسرعة .. شريرة .. متحفزة سحب سوداء و عاصفة شديدة تحرك الجبال من مكانها.. أطاحت بكل شئ .. و لم تخلف غير طبقات سوداء ترابية على البقايا الموجودة .. ذلك يوم أن حدث ما حدث ..
بدأ هذا اليوم بحل العديد من المشاكل و الأمور التى تؤرقنى .. فتراقصت أمامى الآمال المغرية .. فقررت أن أحيا فرحة و أمحو الحزن .. تنفست الصعداء .. و أغمضت عينى غارقة في أحلام اليقظة السعيدة .. دق هاتفي اسمها أمامى .. رددت متلهفة .. استمعت إلى عدة كلمات متقطعة .. تتخللها ضحكات مقتضبة مضطربة .. و لكنها كانت كافية لفهم المسألة كاملة..
تحطم تمثال البلور البرئ .. أصعب شئ عندما تتحدث إلى نفسك .. إلى صديقك .. ثم تذهب نفسك منك إلى الناس .. تخرج روحك و تتركك لتموت .. نهاية بشعة .. و الأصعب حينما تبالغ في إخفاء أمر ما .. ثم تكون من الغباء بحيث لا تفهم نظرة الشفقة في أعين الناس .. و ما يخفونه من كلمة مسكين يستحق الشفقة .. أسئلة عديدة بلا إجابة .. كيف تفعل هذا؟!! كيف تتسبب في كشف أسرلري ؟!! حدث شرخ كبير .. و جرح من الجروح صعبة الإلتئام ..
لا أفعل سوى أن أئن و أستمتع بالآهات .. توقفت عن التساؤل فالحيرة بلا إجابة .. و كلماتى تذيبها دموعى و حروفي تتطاير .. كيف أعيش إلى الآن .. و روحى قد خرجت منى ؟!!
كدت أن أضع النقطة الختامية ثم أكتب كلمة النهاية .. و لكن الصباح الحنون لم يطق حزنى فجاءة سريعا .. و مع أول تغريد لعصفور الصباح جائنى إتصال آخر منها .. كان صوتها ينساب دافئا صامدا رادعا لكلمات عتابي .. أنارت طريق حزنى المظلم .. و أصلحت حطام سوء الفهم لتعود أبراج حبها الذي لا ينتهى في قلبي .. محى كل ما حدث من ذاكرتى .. كم أنتِ ظالمة !! قالها قلبي الذي كان يستميت دائما في الدفاع عن كنزى..

هناك 58 تعليقًا:

  1. الحمد لله انك كنتي ظالماها

    مفيش اصعب من الاحساس بالخيانة

    كلماتك رائعة كالمعتاد

    ردحذف
  2. راااااااااااااااااااائعه ياآيه
    بجد جميله ووصلتني بسرعه
    ربنا يوفقك يارب
    ودايما تتميزي

    ردحذف
  3. http://thelovestories-fnoonh.blogspot.com/?zx=70819fd8ad321f61

    دعوة للجميع لمعرضي الفني

    ردحذف
  4. جميل اسلوب سردك يا يويو,
    والحمد لله انه كان سوء تفاهم,
    ربنا يجمعكم دايما في دنيته,وفي الآخرة ان شاء الله في جنته,واحنا معاكم طبعا,
    ايه اخبار المذاكرة؟
    ان شاء الله تكون تمام وبخير.

    معلش وصلي للدكتور عرفه شكري على اعلانه,
    بس قوليله دي مدونة للفضفضه عن اللي جوايا ومش زي مثيلاتها الاتنين التانيين فيهم فايده,
    يعني انا فعلا عملت الجديده علشان اكلم روحي,
    يعني اظن هتكون صدمه للعارف مدوناتي التانيه,
    ودي مش هتروق لحد خالص .

    ردحذف
  5. السلام عليكم
    تحياتى لكى ولقلمك الجميل الذى خطا لنا أجمل جرح فى القلب
    وبجد دى بتحصل كتير ليا وليك ولغيرك
    معتش إخلاص بالزمن ده
    ما أصعب الخيانه
    تحياتى لكى
    إيناس

    ردحذف
  6. أبحرت فى كل كلمة وكل انفعالة وعادت إلى تلك الذكريات وتذكرتها ولا أنساها :) فعلا بيكون أصعب سوء فهم ولكنه الحمد لله بيزول وتعود العلاقة دافئة وفى رضا الرحمن كما السابق وأكثر إن شاء الله
    جمعكِ الله بأحبتك فى طاعته ودمتِ بأفكار نافعة ومتميزة .. تسرنى دوما القراءة لكِ تقبل الله منكِ ونفع بكِ الاسلام

    ردحذف
  7. الحمد لله إن الأمور اتصلحت
    ربنا يخليكوا لبعض ويجعلكوا من المتحابين فى جلاله

    ردحذف
  8. جميلة اوى يااية انا قريتها على الفيس بوك وعجبتنى جدا ماشاء الله عليكى
    تسلم ايديكى

    ردحذف
  9. رنا

    فعلا إحساس الخيانة صعب جدا...
    نورتينى يا رنا..
    إعذرينى مش عارفه أكلمك من فترة عشان الإمتحانات.

    ردحذف
  10. غير معرف..

    شكرا لمرورك ..
    و الحمد لله إنها عجبتك..

    ردحذف
  11. فنونة

    طبعا رحتلك و أول واحدة ..
    إنتى مقولتيش رأيك؟!!!!!!!!!

    ردحذف
  12. salma mohamed

    ربنا يجمعكم دايما في دنيته,وفي الآخرة ان شاء الله في جنته,واحنا معاكم طبعا,
    آااااامين
    بالنسبة للمذاكرة .. ادعيلي ربنا يعديها على خير..

    و طبعا وصلت كلامك لمحمد ..
    نورتينى يا سوسو..

    ردحذف
  13. عاشقة الأحزان

    و عليكم السلام ..
    شكرا لزيارتك الأولى .. و لإضافتك..
    الخيانة صعبة .. لكن الصديق الحقيقي كنز..

    نورتي يا إيناس

    ردحذف
  14. خديجة عبدالله

    شكرا لكلامك الرقيق..
    قلبت عليكي المواجع يعنى ؟!!
    بس الحمد لله إنكم رجعتوا لبعض زيهم كده..

    ردحذف
  15. وحـــــــــــى القلم

    سميه فينك ؟!!
    يا رب تكونى تمام كده..

    شكرا يا جميل .. المدونة نورت

    ردحذف
  16. ايوشة

    أيوه طبعا يا أيوشة فرحت أوى لما ردتيلي ساعتها ..
    و هنا كمان ..
    ميرسي أوى ليكي..

    ردحذف
  17. بسم الله الرحمن الرحيم
    السلام عليكم ورحمة الله وبركاته
    د/ايه
    تحياتى
    بوست جميل ومعبر جدا وواقعى
    يمكن كمان حصل مع كتير مننا
    بس الحمد لله اننا فى الاخر بنرجع نتصالح مع حبايبنا تانى
    لاننا بجد مش بنقدر نستغنى عنهم
    تحياتى ودمتِ بكل خير وود
    والسلام عليكم ورحمة الله وبركاته

    ردحذف
  18. لعل في مصابنا من خيانة وخداع خير العبر والترياق
    بها نتعلم أن الحياة بحربل محيط هائج..حذاري أن تخدعنا ركود وسكون مائه..فالماء قد يعقبه تلاطم للامواج عتي التأثير

    هي تجارب وعبر لمن لا يعتبر..دروس ناخذها ونضعها في اعتبارنا..ولكن سنظل نبحث عن الصديق ..عن مرآة صادقة لا خادعة

    دمتي بتألق

    الحارة سد

    ردحذف
  19. السلام عليكم ورحمة الله وبركاتة

    جميل قلمك و إحساسك وصفتية بدقة لا اعلم سببب الخيانة التى نعيشها تلك الايام

    صحيح توجد كلمة اريدك تغيرها الى اى معنى كلمة
    فقط أدركت أننا متماثلتين تماما
    كلمة متماثلتين للأسف مرض اصاب الكثير من بنات المسلمين ولا اريد لك الشبهات عذرا من اخ لك تقبلى وافر احترامى

    ردحذف
  20. المعتصم

    و عليكم السلام و رحمة الله و بركاته
    الحمد لله اللي بيصلح الأمور بين الأصدقاء الصح..
    و بيرجعوا تانى..
    رغم إن التسامح كمان صعب مش الخيانة بس..
    شكرا لحضرتك..

    ردحذف
  21. حارة سد

    شكرا لكلام حضرتك الواقعي و الصحيح جدا..
    و سبحان الله ربنا اللي بيوفق للأصدقاء الحقيقين ..
    و الطيور على أشكالها تقع..
    تحياتى لحضرتك

    ردحذف
  22. اعشق فى الليل ضوء القمر

    و عليكم السلام و رحمة الله و بركاته
    شكرا لحضرتك ..
    أنا ممكن بكتب حاجات متخيلاها أو قصص طبعا القصص القصيرة مش بتبقي حصلتلى..
    بصراحة البوست ده بالذات حصلي شخصيا..
    تقريبا بالظبط ..
    يعنى أنا حاسيت بكل كلمة قولتها ...
    حتى كنت هسيبه لحد النهاية الحزينة ..
    و بعدين اتصلت بيا الساعة 7 الصبح ..
    كان سوء تفاهم بس .. لكن هى جدعة جدااااا و قريبة منى فعلا أوى
    و بحمد ربنا إنى عرفتها... بجد مش ببالغ خالص..
    يعنى هى متدينة و عيلتها محترمة جدا و مثقفة .. يعنى قريبة منى جدا ..

    مش عارفة رأى حضرتك بعد كلامى ده ؟!
    عايزنى أغيرها بردو؟!!

    ردحذف
  23. رااااائعة جدا

    اسلوبك راقي جدا بالكتابة

    الحمد لله طلع سوء تفاهم

    والحاجات دي بتحصل كتيرة وانا للاسف عندي سوء ظن ودايما بظلم الي بحبهم بس مش بتسرع وبحب افهم الحقيقة قبل ما ازعل من حد

    بس بتكون شوية شك بداخلي وبتاكد من حقيقتها وبقضي عليها بسرعة اول ما الصورة تتضح قدامي

    تسلم ايدك بجد بوست هايل

    ربي يوفقك ويسعدك

    ردحذف
  24. السلام عليكم / أشكرك دكتوره آيه على مرورك الجميل ومدونتك الجميله ، جميل ما خط قلمك الصداقه بذرة لا تنبت إلا فى القلوب الصافية وكثيراً ما تهب الرياح والأعاصير ولكن يبقى الحب فى الله يدفىء القلوب ، فالكمال لله وكلنا بشر يخطىء ويصيب .
    وجميل جملة أحبب حبيبك هونا عسى يوما يكون بغيضك وابغض بغيضك هونا عسى يوما يكون حبيبك .
    دمتِ بخير وسعادة .

    ردحذف
  25. ঔღঔ نـــوارة ঔღঔ

    شكرا لمرورك يا نوارة ..
    سوء الظن الكتير بردو مش كويسة و الثقة الزايدة كمان ..
    يا رب يجعلنا من أهل الوسط..
    ربي يوفقك ويسعدك
    آامين يا رب
    ميرسي للدعوة الجميلة دي

    ردحذف
  26. جميل جداً لما يلاقي صاحب بالشكل ده
    ناس كثير بتعيش حياتها وبتموت من غير ما تلاقي صاحب كده
    ربنا يجمعكم دايماً علي الخير
    وميبعدكمش عن بعض أبداً

    نصيحة
    خلي بالك أوي من صحبتك ومتخليش الشيطان يوقع بينكم
    حني لو جيتي شوية علي نفسك

    ردحذف
  27. حياتى نغم

    الكمال لله وحده .. فعلا إحنا مش ملايكة دايما بقول كده عشان كلنا نعرف نستحمل بعض ..

    شكرا لكلامك الجميل

    ردحذف
  28. د. ياسر عمر عبد الفتاح

    ربنا يخليك يا دكتور ..
    و شكرا على النصيحة الغالية..

    ردحذف
  29. السلام عليكم

    د/آية
    كلماتك جميلة جدا
    والحمد لله ان الموضوع كان سوء تفاهم

    مش عارف ليه وانا بقرا كنت حزين جدا لحد ما وصلت للمكالمة التى ردعت عتابك حسيت بالسعادة والراحة

    عشت مع الحكاية وهى فيها احاسيس جميلة
    ملحوظة:قصصك ايضا تسبب قشعريرة

    تقبلى تحياتى

    ردحذف
  30. ياااااااااااااااه ماكنت أعرف ان إسلوبك حلو أوى كده
    حلو أوى ان الصداقه تكون بالشكل ده
    اللى مش فهماه بقى انتو فى الآخر إزاى مش إتعتبتو مع بعض
    بس الحمدلله انك كنتى ظالماها
    ويلا حصل خير
    ومتبعاكى على طول بقى ياجميل
    amola we bas

    ردحذف
  31. الأخت الفاضلة: د/ آية
    السلام عليكم ورحمة الله وبركاته
    أولاً أشكرلك زيارتك الطيبة لمدونتى وتعليقك القيم
    أختى : شرفت بتواجدى فى مدونتك وبين كلماتك وأحرفك

    تقبلى تقديرى واحترامى
    أخوك
    محمد

    ردحذف
  32. السلام عليكم ورحمة الله وبركاتة
    اية إسمحى لى أن ادعوك بأسمك
    انا متفهم الكلمة ولو كنت أظن شرا لكنت حذفت تعليقك من مدونتى وما كنت علقت عندك أيضا انا علقت على الكلمة وليس على الفكرة او القصة من حقك كـ كاتبة ان تقولى ما تريدين وتكتبى ما تريدين ومن حقى كـ قارئ اقرا او لا أقراء اسلوبك و طريقة تعبيرك تخصك لوحدك وكان ذلك أول رد فعل جاء على بالى عندما قرأت تلك الكلمة وكما قلت اريد لك البعد عن الشبهات ولك حريت الأختيار انا متفهم موقفك
    تقبلى منى إعتذارى
    وقلت أدبى و تدخلى فى ما لا يعنينى

    ردحذف
  33. بنجاواتى

    و عليكم السلام
    الحمد لله إنها عجبت حضرتك ..
    و تعايشت معها بالشكل ده ..
    نورت

    ردحذف
  34. amola we bas

    منورانى يا أمول..
    اتعاتبنا مع بعض إنى لما عتبتها زى ماقولت دافعت و وضحت لى سوء التفاهم في التليفون..

    شكرا يا أمول

    ردحذف
  35. mhg1962

    شكرا يا أستاذ محمد على كلماتك الرقيقة ..و أتمنى إن حضرتك تشرفنى بالزيارة في المرات القادمة..

    ردحذف
  36. اعشق فى الليل ضوء القمر

    و عليكم السلام و رحمة الله و بركاته

    إيه الكلام ده؟!!! أنا مقولتش خالص إن حضرتك أسأت الأدب .. أو تدخلت في ما لا يعنيك ..
    يمكن أكون أنا ببالغ فعلا في حب أصحابي و الثقة فيهم ..
    و مزعلتش خالص من النصيحة ..
    و يا ريت حضرتك تشرفنى بالزيارة دايما

    ردحذف
  37. الثق شى مطلوب ولكن لاتكون عمياء سعيد بعودتك لصديقتك تقبلى مرورى

    ردحذف
  38. السلام عليكم
    حبيبتى بشكرك لزيارتى وإن شاء الله يدوم التواصل بيننا
    وأدعوكى لزيارة بوستى الأخير
    ربنا يوفقك
    أختك
    إيناس

    ردحذف
  39. د/ أيه
    =========
    فوجئت في أول زيارة لي بقصة جميلة تمس القلب .. جئت في البداية لأشكرك علي زيارتم
    لكني الأن هنا لأشكر قلمك وإحساسك

    تحياتي لكي
    وابحثي عن كنز أخر ... فهذا سراب وليس كنز

    دمتي بكل خير وسعادة...

    ردحذف
  40. يوميات شاب منوفى

    حضرتك نورت المدونة شكرا لمرورك..

    ردحذف
  41. عاشقة الأحزان

    لأشكرك يا إيناس ..
    إن شاء الله دايما تدوم بينا الزيارات

    ردحذف
  42. mimi

    منورانى في أول زيارة

    لكن ليه بس بتقولي عليها سراب ؟!!

    مانا اللي طلعت فاهمة غلط و الحمد لله الأمور اتصلحت بينا..

    ردحذف
  43. أنتى عارفة رايى طبعا يا آية
    علشان بكون أول واحد بيشوف اى موضوع
    عموما الموضوع كاسلوب عجبنى اوى
    كل الحكاية انى مش بحبك تتعلقى باصحابك اوى
    جميل ان الواحد يكون له اصحاب يحبهم ويفضفض ليهم
    بس حكاية التعلق بالشكل الجامد اوى ده مش دايما بيكون كويس

    ردحذف
  44. عارفه هو فعلا بيبقى جرح فى القلب
    انتى حتى لو كنتى فاهمها صح والموضوع كان بجد كنتى برضه
    هتسمحيها
    أصلحت حطام سوء الفهم لتعود أبراج حبها
    مأظنهاش كانت فارقته أصلا علشان تعود متهيألى هى اساسا كانت فيه
    بس نصيحه بلاش التعلق الزياده بأى حد علشان آخرته بتبقى مش كويسه
    أبدعتى فى أختيار الكلمات واحساسك العالى يمس القلب
    دمتى مبدعه

    ردحذف
  45. هلا يا دكتور
    أخبارك ايه وأخبار الامتحانات معاكى
    أن شاء الله ربنا يوفقك
    وصفك لخيانه الصداقه وعدم قدرة القلب على التصديق وسرعه مغفرته الشديدة تؤكد أنه قلب رقيق لا يعرف فعلا كلمه كراهيه ولم يسمع يوما عن كلمه بغض حتى فى سرعه مغفرتها ومسامحتها
    جميل جدا ما كتبتيه يا جميله
    تحياتى لك

    ردحذف
  46. السلام عليكم ورحمة الله.. وبعد

    فلاتظنن بكلمة خرجت من فى أخيك المسلم سوءا وأن تجد لها فى الخير محملا.... وفى الحديث: من جاءه أخوه متنصلا محقا كان أم مبطلا فلم يقبل منه لم يرح رائحة الحنة.

    أدام الله علينا وعليكم صفاء النفس ونقاء السريرة

    ردحذف
  47. السلام عليكم

    أخيتي د.آية
    دائماً ما نمر بهذه اللحظات مع من نحب ، ربما يطول العتاب أحيانا لكن المياه دوماً ماترجع لمكانها الصحيح
    أسأل الله ان يديم علينا محبتنا لمن حولنا ولا نكدر حياتنا بلحظة فراق او هجر
    بارك الله فيك اختي ، دمت في حفظ الرحمن

    لا تنسوا اخوانكم في غـزة من دعائكم

    ||..بحـر الدموع..||

    ردحذف
  48. د/عرفه

    علي فكرة يا محمد مش تعلق جامد أوى بشكل مرضي يعنى ..
    يعنى مش قايمة نايمة معاهم ..
    بس رأيك له احترامه

    ردحذف
  49. wesoooooooooo

    أنا بختلف معاكِ يا وسام ..
    لإنها لو مكنتش كويسة مكنتش صاحبتها أو أنا واثقة إن ربنا بيوفقنا للناس الكويسة ..
    و هى فعلا معملتش حاجة ..
    و كمان الرسول صلى الله عليه و سلم كان عنده صحابة مقربين أوى .. يعنى إتخاذ الأصدقاء مش غلط ..

    شكرا جزيلا لمشاركتك ..
    و نورتينى

    ردحذف
  50. ماشاء الله ربنا يحميكي
    جميله كالعاده يا حبي
    بجد انا بحبك جدااا في الله يا ايه
    ساره طريح

    ردحذف
  51. سارة طريح

    شكرا يا سارة ..
    أحبك الله الذي أحببتنى فيه..
    يا رب تدوم محبتنا للأبد

    ردحذف
  52. صفــــــاء

    هلا حبيبتى ..
    و الله بستنى ردك بفارغ الصبر و بفرح بيه جدااااااا..

    شكرا ليكي ..
    و التسامح شيء صعب فعلا ربنا يجزينا خير عليه..

    ردحذف
  53. hamada

    نورت المدونة ..
    و الاشتراك في الجروب تم يا أفندم ..
    شكرا

    ردحذف
  54. د.توكل مسعود

    و عليكم السلام و رحمة الله و بركاته

    هو دا الكلام التمام
    جزاك الله كل خير .. على رد حضرتك القيم جدا..

    أدام الله علينا وعليكم صفاء النفس ونقاء السريرة
    آااااامين

    ردحذف
  55. بحـــر الدموع

    و عليكم السلام و رحمة الله و بركاته

    أسأل الله ان يديم علينا محبتنا لمن حولنا ولا نكدر حياتنا بلحظة فراق او هجر

    آمين يا رب
    الحمد لله ان دى بتكون مواقف عابرة و تعدى سريعا
    نورت المدونة

    ردحذف
  56. فعلا اوقات سوء الظن ممكن نهدم الدنيا كلها فوق دماغنا وفي ثانيه ترجع تاني ولا كأن فيه حاجه حصلت اوقات صعبه بس بتعدي جميله يا آيه ما شاء الله ووصلتني بسهوله


    داليا

    ردحذف
  57. داليا

    صح يا داليا سوء الظن وحش أوى كمان لما بتتصدمى في حد بيكون وحش جدا..
    شكرا ليكي يا قمر
    نورتينى

    ردحذف