السبت، 23 مايو، 2009

إستراحة

إستراحة

ما أجمل هذه الكلمة ، عند سماعها يأتى مباشرة إلى أذهاننا منظر الرجل النائم على سرير من الشبك بين شجرتين .. أو رحلات إلى مارينا .. شرم الشيخ أو حتى كفر الشيخ .. لكنى و للأسف الشديد أعنى بهذه الكلمة إستراحة من الكتابة - التى لا تتعبنى -و شغل هذه الإستراحة الرائعة في محاولة للمذاكرة إستعدادا للإمتحان ..
كنت أنوى كتابة كلمة توقف فقط لا غير .. أو توقف إلى نهاية شهر يونيو .. أو كنت سآخذ الإستراحة في صمت ..لكننى خفت أن تملئ الفرحة قلوبكم .. و تتوهمون خطا أنكم قد ارتحتم من ثرثرتى فقررت أن أمتعكم و أشنف آذنكم أو عيونكم في هذه الحالة - إن جاز التعبير - بكلامى الرائع - بعض التواضع لا يضر- و تعيشوا مع" آيه" كيف تمضي وقتها في المذاكرة ..
أمسك بالكتاب .. أقصد الورق الذي لا تعرف له أول من آخر لابد من ملئه بالألوان كى أستطيع المذاكرة .. قد تنشأ أوقات من الألفة و المودة .. لكن يقتحمها النفور سريعا .. فيوسوس لي الشيطان أن هذا الورق ينقل أمراض خبيثة ربما الجرب أو أنفلونزا الصراصير .. فأخاف من المرض .. و أخاف أن يعطلنى مرضي عن مذاكرتى الحبيبة فتتهلل أساريري .. و أبتسم إبتسامة شريرة و أختطف كتاب " تشيكوف " من مكانه الآمن تحت سريري .. و ألتهم السطور إلتهاما بالرغم من أن هذه المرة السبعين التى أقرأه فيها .. أو أقرأ للمرة الألف قصة ل "د. أحمد خالد توفيق " ..
و أحيانا أثناء تركيزى في المذاكرة يراقبنى من شرفتى عصفور جميل يغرد .. فأتخيل أنى في حديقة غناء جميلة و الشمس مشرقة و بحيرة جميلة تربض أمام قصري الفخم .. أحيانا لا يكوت عصفور بدلا منه ذبابة لزجة تجعلنى أفكر في أنواع الذباب المختلفة .. و ما جدواهم في الحياة .. بالطبع تفسد على هذه الذبابة المفترسة تركيزى الشديد .. أو طفل جارنا يطالب أمه في هدوء الأطفال المعهود عندما يريدون شيئا ما " أمى أريد أكل البطيخ !!"
" أمى أريد أكل البطيخ !!"" أمى أريد أكل البطيخ !!" ربما يكررها عشرين مرة حتى لأظن أنه جعلها نشيده القومى .. لتصرخ فيه أمه في النهاية " أفعل ما تشاء .. كانت تتوهم المسكينة أنها أجابته .. لا أعرف كيف يترابط في ذهنى الطفل و البطيخ مع قضايا الوطن العربي و الأمة الإسلامية و مشكلة فلسطين و مباريات الزمالك و صلة الرحم .. و كم أنا محظوظة و لدى أناس .. أقارب و أصدقاء رائعون .. " سلطة من الأفكار قد تسقط عليها بكتريا ما أو ينمو عليها نبات ما .. أو يعالجها دواء ما مما أذاكره !! و في بعض الأوقات أذهب كالمتسللين إلى هذا الجهاز العظيم لأسرق بعض اللحظات التى أحادثكم خلالها .. كما أفعل الآن ..

باقي من الزمن أيام أو ساعات .. و لا أجد لدي كثيرا من التفاؤل .. فمن لديه القدرة على أن يبث في بعض من أمل فليفعل بسرعة .. لكنى لا أريد نصائح من نوع احرقي كتب تشيكوف أو اكسري دماغك .. لا أظن كثيرا منكم كان ليفتقدنى إن غبت .. لكنى أقولها باللهجة التقريرية .. انتظرونى بعد الإمتحانات إن شاء الله .. و أسألكم الدعاء بظهر الغيب..

هناك 33 تعليقًا:

  1. هاك هاك هاك هااااااااااااااااااااااك
    خخخخخخخخخخخخخخخخخخخخخخخخخخخخخخ
    يظهر إنى دخلت فى الوقت المناسب
    الحال من بعضه
    بقالى ساعتين تلاته قاعده أضيع فى وقتى بحجة إن مفيش حاجه إسمها الواحد يذاكر من غير نفس
    والنفس مش راضيه تيجى أقطع نفسى مثلا
    قمت عادى يعنى ارغى مع اهل الدار اللى هما اتنين اساسا وغير محبين للرغى ... افتح الإميل على أمل إنى الاقى حد ارغى معاه .... بس تقريبا الناس كلها بتموت فى المذاكره او عندهم القدره الجباره للمذاكره من غير نفس ... فكرت فى كل الناس واحوالهم وووحشتهم ولا لأ ومين وحشنى ومين لأ وتقريبا مفيش فى التانيه دى لأ وطبيعة حبى الغريب للبشر
    وهل انا فى هذا الأمر طبيعيه والناس هما اللى مش طبعين ولا إيه؟زمين بيطقنى ومين لأ
    وطبيعة تعاملى مع أطفالى فى المستقبل!!!!!
    وحماتى هتكون عامله إزاى !!!!!!!!!
    هنجح فى كسب ودها ولا لأ!!!!!!
    طب عشان كده ندور فى النت ازاى أكسب ود خماتى !!!! وهكذا :-))
    طيب ما اقرأ شويه فى كتبى المفضله لغة الحوار مع الأبناء والتعامل مع اولادك فى سن المراهقه و ....
    مش أفيد برضه
    ينهار .... شكلى رغيت كتير
    بصى أهم نصيحه حبى الموااااااد حب شديد وحاولى تجدى لكل ماده فايده
    والله كتير الموضوع ده بينجح ولا تيأسى إن أخفق مرههينجح مره تانيه إن شاء الله
    بالتوفيق إدعيلى عشان ضميرى وجعنى وعاوزه بقى اروح اعيط شويه لأنى مزنوقه :-(

    ردحذف
  2. هههههههه
    كل ده مر عليا وبقى مجرد ذكرى,
    كنت زمان قبل ما أخلص الدراسة المحروسة كان بيحلالي التفكير في كل حاجة وقت المذاكرة,
    وأكثر حاجة كانت بتحصلي ابو كابوس اللي بيجي يحضن ويبوس(اللي هوه النوم)انا كنت مسمياه كده,
    وكنت بقول نصيحة للناس اللي عندهم ارق انهم يمسكوا كتاب يذاكروه,
    كنت انام ساعة او ساعة ونص اتنين علشان اعرف اذاكر ساعه ولا اتنين,
    بس بجد اللي مش بيحب المذاكره هيفضل مش بيحبها لانه مرض ميئوس علاجه ولسه ما لقوش الانتي بتاعه وهيبقى ليكِ الشرف لو عرفتي تعمليله تركيبه,
    بس الحل انه يعصر كيلو ليمون على نفسه ويذاكر علشان يخلص سنين الدراسه في اقصر وقت بدل ما يطولها زياده ويجيب لنفسه المراره,
    ربنا معاكِ يوفقك انتِ وكل اللي زيك وتخلصونا على خير,
    قلبي معاكم.

    ردحذف
  3. يفتح باب بيت المدونين ذراعيه لكل الموهبين في :
    1/ القصة القصيرة
    2/ الشعر بشتى أنواعه
    3/ الرواية "رواية سنوية سنقوم بنشرها في الجريدة"
    4/ المقال الصحفي
    إذا وجدت في نفسك القدرة على المشاركة أرجوا التواصل معي على الميل التالي
    arabicsabah@yahoo.com
    شروط المسابقة
    1/ ..............................
    2/ .............................
    3/ ..............................
    لا يوجد شروط الشرط الوحيد هو العمل الجيد , والعمل المحترم البعيد عن الإسفاف
    المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
    أرجوا التفاعل معنا في الجروب على العنوان التالي
    http://www.facebook.com/group.php?gid=45202724108#/group.php?gid=78080770039

    ردحذف
  4. خيالك جامح ولذيذ وأسلوب هروبك من المذاكرة ألذ
    الصور الصغيرة اللى بيكونها عقلنا عشان يهرب من الملل أوقات
    ويكون حياة صغيرة تخطفنا بعيد عن واقع ممكن يكون مرهق لدنيا صغيرة تخلينا نقدر نرجع بذهن صاف
    جميل يا دكتور
    وبالتوفيق ان شاء الله
    ومنتظرين العودة

    ردحذف
  5. أكيد
    يا آية
    انا فعلا بكون مبوسط اوى بالطريقة اللى بتكتبى بيها
    وكمان انا كان عندى نقد بسيط وقولتهولك

    ربنا يوفقك فى امتحاناتك

    ردحذف
  6. بسم الله الرحمن الرحيم
    السلام عليكم ورحمة الله وبركاته
    ازيك يادكتورة
    اولا:الف مبروووووووووووووك ع الدورى
    دى هديه منى لازم تقوليها لعرفه
    ثانيا : ربنا يوفقك ان شاء الله والتقدير يكون امتياز بإذن الله
    لن نرضى بأقل منه
    وعلى فكرة يعنى موضوع الامتحانات والمذاكرة والكلام ده مش صعب ولا حاجه دبليل انى انا خلصت ونجحت من زمان اهه
    ومنتظرين ابداعاتك بعد الامتحانات ان شاء الله
    ربنا يكرمك وينجحك ويحققلك كل اللى نفسك فيه يارب
    اللهم امين
    تحياتى ودمتِ بكل خير وود
    والسلام عليكم ورحمة الله وبركاته

    ردحذف
  7. هههههههههههههههههه

    يخرب عقلك كلامك عسل والله

    ياعيني عليكي ياقلبي كل دا بيحصلك وقت المذاكرة

    ربنا يعينك وينجحك

    فكرتيني بايام المذاكرة كنت ابقى نشيطة وعاوزة اذاكر واول ما امسك الكتاب ازهق واصدع

    يووووووووووه كانت اايام ههههههههههه

    ربنا يوفقك ويسعدك يارب

    يارب تنجحي وبامتياز كمان

    منتظرين رجوعك

    ردحذف
  8. تعرفي يا آيه انا فاتحه الجهاز لنفس السبب هروبا" من المذاكره والورق الكتييييييييير وقريت كلامك بالصدفه بس اكيد في يوم من الايام هنخلص
    ده الأمل.
    (dolly)

    ردحذف
  9. السلام عليكم / بالتوفيق والنجاح يا آيه كتابتك جميله وأسلوبك رائع وبإذن الله يكون رأى المصححين كده فى إجاباتك .
    بارك الله فيكِ وعدتِ إلينا بكل خير وتفاؤل .

    ردحذف
  10. من الجرب الى اتفلونزا الصراصيرا الى الكبير تشيكوف و منه الى العصفور
    و بعد كده ذباب و بطيخ الى العالم العربى و الاسلامى و الزمالك
    و فلسطين
    صدقينى مو بينفع تخدى أجازه

    ردحذف
  11. ههههههه ربنا معاكى يااية ويوفقك يارب معلش هانت فات الكتير مش باقى غير القليل
    وترجعى بالسلامة ان شاء الله

    ردحذف
  12. السلام عليكم بعتذر عن التأخييييير في الردود

    وحـــــــــــى القلم
    ااه دا حالنا كلنا يا سمية ربنا يوفق الجميع ..
    هههههههه
    حماتك إيه اللي تعبه نفسك كده علشانها ..
    إن شاء الله تبقي ست زى العسل .. و تحبك على طول ..
    كفاية بس تعدى تهذري معاها شوية .. و كامتين حلوين و بوستين كده و تبقي زى الفل ..
    هههههههههه
    ربنا يوفقك و يوعدك بإنسان كويس و يستاهلك ..
    و يوفقنا في الامتحانات

    ردحذف
  13. salma mohamed
    يا بختك يا سلمى بقت مجرد ذكريات بالنسبة ليك ..
    ادعيلنا كده دايما ..
    و الانتى بتاع النوم ده هبقي اكتشفه إن شاء الله بس في الأجازة ..
    لانى أكيد مش هبقي عايزة انام وقتها ..
    نورتي يا سوسو

    ردحذف
  14. صفــــــاء
    شكرا يا صفاء على الكلام الجميل ده ..
    دايما بتحرجينى بذوقك ..
    ميرسي ليكِ

    ردحذف
  15. د/عرفه
    شكرا يا محمد
    u r wlcom
    دعواتك

    ردحذف
  16. المعتصم
    و عليكم السلام و رحمة الله و بركاته
    إيه اخبارك أستاذنا؟!
    ماقولنا بلاش كلام في الماتشات
    هههههههههه
    و بعدين بلاش نتكلم بقي على 3/0 بتاعكم ..
    المهم دعوات حضرتك كده ..
    و شكرا على الكلام المشجع ده ..
    بس امتياز كده حته واحده؟!!
    ياااااااااااااارب

    ردحذف
  17. ঔღঔ نـــوارة ঔღঔ
    شفتى بقي يا نواره و اكتر من كده كمان و الله..
    شكرا على الدعوات الجميلة ..
    يا رب اخلص على خير زيك كده

    ردحذف
  18. (dolly)
    ازيك يا دوللى ايه اخبارك ؟!
    وحشاانى اوى
    يلا بقي ربنا يعديها على خير ..و نعيش بقي في الاجازة

    ردحذف
  19. حياتى نغم
    يا رب يا حياتى يا رب..
    و يحنن قلبهم علينا ..
    ميرسي اوى ليكِ

    ردحذف
  20. el_wa3d
    شفت بقي المفارقات !!!
    كله من تأثير الامتحانات ..
    بس ليه يا دوك .. حضرتك مش عايزنى آخد أجازة دى وحشتنى جداااااااا

    ردحذف
  21. ايوشة
    اه يا أيوشه فات القليل ما بقي إلا الكتير..
    ربنا يصبرنا على الامتحانات العثل دي..
    نورتينى

    ردحذف
  22. :)

    و احنا في انتظار عودتك يا ستي

    ربنا يعينك ان شاء الله

    و شيلي موضوع "الذباب" دة من دماغك خالص:) عشان الصيف لسة جاي و خيالك معاه هيزيد كتير

    ردحذف
  23. Wish I were a Butterfly

    أهلا بزيارتك الأولى اللي أسعدتنى جدا ..
    و يا رب أشوفك في ظروف أحسن من كده..

    الذباب ده حاجه مقرفه .. بس أنا يومها حاجه زى الذبابة بس ملونة و شكلها غريب ..:D:D

    نورتيييييييييييييينى

    ردحذف
  24. السلام عليكم ورحمة الله وبركاتة
    كيف حالك؟
    يا رب تكونى بافضل حال
    واية اخبار ال.... ال.... المذاكرة
    ربنا معاك ويوفقك ويذكرك بكل اللى انت ذكرتية او قرأتية او حتى سمعتية او شفتية
    ربنا معاكِ
    وطبعا مش هنتحرم منك لانك دائما موجودة بموضوعاتك السابقة واللاحقة
    دمت بالف خير و....و... مذاكرة

    ردحذف
  25. حتى تشرق الشمس

    و عليكم السلام و رحمة الله و بركاته
    الحمد لله .. المذاكرة بتسلم عليكى و بتقولك إن أنا جبت آخري معاها ..

    ربنا معاك ويوفقك ويذكرك بكل اللى انت ذكرتية او قرأتية او حتى سمعتية او شفتية
    ربنا معاكِ

    آاااااامين يا رب ربنا يتقبل و يستجيب

    ميرسي أوي ليكِ و لزيارتك الأولى يا رب تتابعينا دايما ..

    ردحذف
  26. بجد فكرة حلوة..واستراحة عايزة غنوة..وانت لحنها العذب.. وايقاعها الهادف..اول مرور لي اتمني التواصل ..حلم..

    ردحذف
  27. ذاكرى ياأية
    ذاكرى وركزى كويس
    وبلاش تفكير ماله فايدة
    الا الهروب من المذاكرة
    حاجات ومرت علينا
    حتى ان نشرات
    الاخبار
    ساعتها كانت
    بتطربنى وتشجينى واسرح فيها:)

    ردحذف
  28. حلم

    بشكر حضرتك و كلاماتك الرقيقة..
    أتمنى متابعتك الدائمة

    ردحذف
  29. نورهاتى

    بذاكر و الله يا دكتورة نور ..
    بس غصب عنى .. ربنا يعديها على خير ..
    و اللي قولته هنا جزء صغير جدا جدا ..
    أكنى هألف كتاب في الفلسفة ..
    دعواتك

    ردحذف
  30. جميل جدا ان الانسان يسترح فعلا بس فعلا ممكن الانسان يسترح من كل حاجه فى الحياه واتفكير البوست جميل تحياتى

    ردحذف
  31. حياه بلا عنوان
    شكرا ليكي و لزيارتك الأولى..
    أتمنى دوام المتابعة

    نورتينى

    ردحذف
  32. آآآآيه
    جميله ياقمر جداً جداً

    دمها خفيف جداً
    ولذيذه قوي

    ربنا يحميكي يارب ويخليني ليكي مشجعه دائمه أحثك على ثبات الخطى

    انتي فاهمه حاجه ؟!!

    ضحكه ..

    ردحذف
  33. ضحكة
    طبعا فاهماكى يا حبي ..
    إيه بأه إزاى مافهمكيش بأه ..
    ربنا يخليكي ليا يا رب

    ردحذف