الأحد، 28 مارس، 2010

إلـيكـِ سـيدتى

إلــيكـِ سـيدتى
ســــــيدتى
و ما أجملها كلمة .. حين أناديكِ سيدتى .. أُذيب فيها مشاعر حبٍ تراكمت منذ الميلاد .
مـــــيلادى
سيدتى .. في رحم أمى تمتعت بالدفء .. و الرحم حضن دافئ مظلم .. ملئ بدمها .. و منها غذائي .. كانت هذه الدَّعة .. اللهو .. أكان ما حدث بعدها حين لفظتنى أمى هو عقابي؟! أم أنه الواجب؟!
الــــــواجبـ
سيدتى .. أن الوقت حان .. إمدادى تسعة أشهر بما أحتاجه من شجاعة لمواجهة العالم .. أم أنه الوعد؟!
الــــــوعدـ
و آهٍ من الوعد سيدتى .. وعد أمى لوالدى أن تأتى له بالشهداء .. وعدها و هو يلفظ أنفاسه الأخيرة أن يسحب أولادها القادمون الشمس الخائفة من مخبأها ..
أم وعد الجبناء بهدم الأرض .. صلب أحلام الصغار على أشلاء المآذن المحترقة .. البيضاء اللامعة .. الصفراء .. الخضراء.. أصبحت سوداء..
ســــــوداء
سوداء .. حمراء .. مزيج ما بينهما .. إعتادت عيناي على رؤيتهما منذ خرجت من بطنها .. الدم الأحمر للأطفال على أرضي .. حمراء هى شفتاكِ يُزهران كضحكات الأطفال .. عيناكِ سوداواتان .. أتوه فيهما مع شظايا الحلم..
الــــــحلم
الحلم الذى يُطاردنى كل ليلة .. في عيون الأطفال .. ليسوا كالكبار من الموالين الجبناء .. يرتعشون في ذعر كالقطط .. عيون أطفالـنا مليئة بالحماس و الأمل .. حلم التحرير .. حلم آخر..
سيدتى في عيناكِ يراودنى أرى حلمك .. الليل يعالج آلامه بريق عينيك .. لكن عيناي..
عــــــيناى
عيناي صارتا نصلاً أحارب بهما .. أترين أنهما تصلحان للغزل..
الــــــغزلــ
أترغبين فيه ككل حبيب؟! لا أعرف غير أنى سمعت الكلمة تتردد على قلبي .. حين تاهت أحاسيسي و ارتفعت مع ضوء القمر .. أثناء سيري في الطريق اللانهائي بين حاضري و مستقبلي .. أنارت صورك طريقي .. و رأيت على هامش الأحلام عُرسنا يتألق وسط أنوار الاحتفالات ..
أنــــــوار الـاـــ حتفالاتـ
الواقع سيدتى أنها في أرضنا لم تكن سوىـ احتفالات يومية إعتدنا عليها .. غارات يومية و مذابح علنية تُنصب في الطريق .. تروى أرضي الدماء المُثخنة باللعنات التى تصبها على ما يُسمى العروبة .. التى أضاعت التسميات ..
التــــــــسمياتــ
لا أدري سيدتى .. نفسي .. ذاتى ماذا أُسمى؟! مجاهد.. فارس.. حالم .. عاشق .. مجنون .. طموح .. منكسر .. خائب .. أرجو أن أكون شهيد .. هل أنا عربي ؟! أم أكتفي و أقول إنسان؟!
إنـــــــسان
أتدرين سيدتى .. جاءت كلمة إنسان من الأنس .. ذلك الذى أرغب به معك أترضين؟!
ترضــــــــين
يدتى أن تزحفى معى تحت أنفاق الجهاد .. و يكون حبك تسليحي بالبارود؟! أن تكون نار حبنا وقوداً يُضئ فوق مساجدنا .. و أن تعلى حماسنا و جهادنا .. و نحقق الأمانى ..
الأمـــــــانى
بكل ما في نفسي أقول لكِ أمنيتى البسيطة الحالية
"تجوزينى"

هناك 41 تعليقًا:

  1. انا بس حبيبت اكون اول تعليق .. اشوف كدا

    ردحذف
  2. كويس انا فعلا اول تعليق .. ارجع اقرأ بقى وبعدين اعلق فى الموضوع

    ردحذف
  3. خلاص أنا مستنية أهو ربنا يستر و تعجب بس

    ردحذف
  4. آيه الجميله .. السلام عليكم

    اول مره ازور مدونة مجرد فكره .. ولقيت اموره صغنتوته زى السكر اسمها د. ايه .. بس كلامها حلو ومرتب وبتاخد آخر كل جمله وتبتدى بيها جمله جديده زى بتوع السعوديه لما يقعدوا يقولوا كل واحد بيت شعر وياخد التالى آخر كلمه فى البيت ويبتدى بيت جديد وهكذا .. وكمان فى النثر والانشاء

    تكلمتى عن الرحم وسمى رحما من الرحمة التى خلقها الله فى الارض ..

    ارى انك يا بنيتى تحبين الام عموما ولعلك تحبين والدتك خصوصا وهذا طبيعى وكل عام وانت بخير وصحه

    على فكره عجبنى خالص البوست .. جميل ورائع

    تحياتى

    ردحذف
  5. فشكول
    و عليكم السلام
    أهلا و سهلا بحضرتك
    أنا أول مرة أجرب الأسلوب ده في الكتابة..
    كويس إنه عجب حضرتك
    أكيد طبعا بحب ماما
    بس بردو حضرتك ملاحظتش في البوست أى حاجة عن إنه واحد في الأراضي المحتلة و الكلام موجه لواحدة فبيحكيلها عن ظروفة الصعبة و إنه مش زى أى حد عايش في رفاهية و هل هي تقبل بالظروف دي و لا لاء؟
    يمكن انا طولت في موضوع إنه في بطن مامته بس ده السلام الوحيد اللي هو كان عايش فيه
    شكرا لحضرتك

    ردحذف
  6. الله يااية بجد والله جميلة جدا كالعادة طبعا

    ردحذف
  7. ياسلام علي المواهب اللي بتحتضنها صيدلة طنطا
    جميله جدا واحاسيسها مرهفه

    ردحذف
  8. عاجبني فكره ان الحروب والمآسي دي بقت عاده فعلا معدتش حاجه جديده مع وجود الامل والثقه
    جميله يا يويو وان شاء الله دايما
    اختك داليا

    ردحذف
  9. احاسيس آيوشة
    أنتى الأجمل يا قمر
    منورانى كالعادة جداااا

    ردحذف
  10. غير معرف
    أكيد طبعا صيدلة طنطا
    نحن نختلف عن الآخرين تماماً :D
    بس يا جماعة يا ريت تكتبوا اسمكم عشان أعرف مين أصحاب الردود الجميلة دى
    نورتينى

    ردحذف
  11. داليا
    حبى ..
    يا واد أنت يا فاهم يا فليسوف ..
    يا رب يبقي فيه أمل يا داليا و ثقة دايما زى مانتى بتقولى
    شكرا يا دوللى

    ردحذف
  12. تسلم ايدك يا ايه
    ابدعتي بجد يا حبي
    أسلوب جديد عليكي وطريقته حلوةأوي
    ;)
    ماشاء الله
    الى الأمام دايما
    :)

    ردحذف
  13. لاحظت يا دكتوره انها فى الارض المحتله .. بس بصراحه انا من يوم ما صحيت على الدنيا من 58 سنه ومافيش غير فلسطين والارض المحتله .. وحاربت فى 73 واخدت اصابه روعه جدا بس الحمد لله عدت على خير .. وطهقت من بنت الكلب اسرائيل وكمان طهقت من الفلسطينيين وخصوصا اليومين دول والخلافات اللى بين حماس وفتح اكثر من الخلافات بين الفلسطينيين واسرائيل ...
    طهقت يا ايه من الموضوع ده .. انتم بقى الشباب شيلوا شويه من الهم ده .. اما احنا خلاص ..

    ردحذف
  14. خاطرة جميلة جدا

    واحساسك عالي فيها

    تحياتي :)

    ردحذف
  15. حلوة اوى يا اية
    تسام ايديكى

    ردحذف
  16. مروة
    ربنا يخليكي يا حبيبة قلبي
    أنتى دايما كده صديقتى المقربة و أكتر حد بيشجعنى

    ردحذف
  17. قبلاوى
    الأجمل مرور حضرتك
    نورتنى

    ردحذف
  18. فشكول
    أنا بس اتخضيت قولت معقول أول رد كده ..
    أنا بحب الغموض شوية بس إنه يكون مش واضح المعنى ده اللي أنا مش بحبه.. الحمد لله إنها وصلت صح..
    أما عن فلسطين و إسرائيل أنا حاسة إن تحرير المسجد الأقصي أمانة في رقابتنا كلنا بغض النظر عن الخلافات اللي بينهم
    و خلاص أوك نشيل إحنا الهم شوية :D

    ردحذف
  19. الله عالحب اللي بيطالب بالجهاد والحبيب اللي بيقدم طلبه بمنتهى الصراحة ويسأل هل ستعينني على هذا؟

    حي على الجهاد.....بارك الله فيكي يا صغيرتي

    أسرة منتدى زبد البحر يتمنى منكم التواجد معنا في منتدى عالم المدونيين والمدونات

    http://mhg1962.ba7r.org/forum.htm

    ردحذف
  20. بكل تأكيد موضوع متميز جدا و الأهم إنه أبدا ليس مجرد فكرة .. بل فكر و إحساس و تفرد
    أهنيكى على موضوعك المميز
    سلمت يداك
    دمتى بخير

    ردحذف
  21. جميلة يا يويو زي روحك :)

    ردحذف
  22. سمو الأمير
    شكرا جزيلا لحضرتك ..
    و زيارتك الغالية

    ردحذف
  23. د/دعاء
    شكرا يا دودو
    بستناكى دايما

    ردحذف
  24. كلمات من نور
    الله على كلماتك الجميلة ..
    من نور فعلا .. و هذا ما قصدته
    نورتينى جداا

    ردحذف
  25. الشاعر الفنان أحمد فتحى فؤاد
    ده من ذوقك و الله...
    شكرا لحضرتك

    ردحذف
  26. سلمى محمد
    شكرا يا سوسو يا حبيبتى
    أنتى اللى جميلة خالص
    ميرسي يا قمر

    ردحذف
  27. زيارة متاخرة جدا ليا
    باعتذر اولا لانى كنت غايب عن التدوين
    كنت للاسف بانشر مواضيع بدون متابعة
    والحمدلله ربنا اكرمنى وقدرت ارجع تانى

    ردحذف
  28. السلام عليكم ورحمة الله وبركاته

    ما شاء الله يا دكتوره تحفة كتابتك للتدوينة تحمل الكثير من المعانى والأحاسيس بتعبير فوق الممتاز .

    بارك الله فيكِ .

    ردحذف
  29. بصراحه مقرتش التوبيك
    بس كنت طالب من حضرتك حاجه
    كان فيه دكتوره صاحبتك اسمهاNore_e
    حضرتك هي بطلت تدخل ليه عالمنتدى وتتحنا بموضوعاتها
    وكمان حضرتك ليه مبتزليش موضوعاتك عالمنتدى عشان كلنا نقراها ونستمتع:)
    عالعموم اذا كان الاكونت بتاعها فيه مشكله قوليلها ممكن تدخل باكونت جديد

    ومستنين مشاركاتك ومشاركاتها

    وقوليلها اللي سأل عليها واحد كان بيسميها شاعرة المنتدى

    مش عارف بقى فاكراني ولا لا

    في انتظار حضرتك انتي وهي

    ردحذف
  30. اسماء واحلام فى وجدانى ...
    و لا يهمك .. المهم إن حضرتك شرفتنا ..
    و أهلا بعودتك للتدوين

    ردحذف
  31. حياتى نغم
    و عليكم السلام و رحمة الله و بركاته
    ربنا يخليكي يا قمر ..
    الحمد لله إنها عجبتك .. و أنتى إنسانة رقيقة و بهمنى رأيك
    شكرا

    ردحذف
  32. غير معرف
    اه هى فعلا صديقتى المقربة .. لاء أختى و توأمى و حبيبتى ..
    هى فعلا كان عندها مشكلة في الأكونت .. و بعدين النت عندها أو الكمبيوتر يحصل مشكلة ..
    هوصلها سؤال حضرتك :D
    و أنا إن شاء الله هبقي ادخل بس أصلي لقيت ناس كتير اتغيرت عن اللي كانوا زمان و شكل المنتدى كان الأولانى خالص الأصفر شوية كده كان بيريحنى.. و الفيس بوك و المدونات غلبوا شوية..
    شكرا
    و مستنية رأيك بعد ما تقرأ الموضوع

    ردحذف
  33. أنت فين يا أيه؟ مدونتك تستحق أن تحدث بشكل دائم في مشاعر رقيقة جدا تحياتي

    ردحذف
  34. ربنا يخليكي يا داليا أنا بعتذر عن التأخير ده كله
    ان شاء الله اكتب حاجة جديدة في حاجات كاتباها من زمان لسه مش عارفه اختار منها و لا غالبا هحاول اتب حاجه جديده
    كنت مشغولة الفترة اللى فاتت
    شكرا أوى ليكي يا جميل
    نورتينى

    ردحذف
  35. د ايه
    شكرا لتشريفك مدونتى المتواضعة
    واتمنى ان تكون هذه الزيارة الشريفة بادية التواصل يما بيننا .. وشكرا لذوقك وكلامك عنى
    وتابعى اليوم قصيدتى الجديدة
    علامات استفهامنا كاذبة ع المدونة وموقع الف ليلة وليلةhttp://alflela.org/

    تحياتى لك
    " على فكرة مدونتك شيك اوي وذوقها رائع
    كريم بهي

    ردحذف
  36. الله يا آيه ..فكره جميله وجديده فى التبير عن المس اللى بتحصل فى فلسطين ..ربنا يفرج كربهم..

    أنا عاوزه اتعرف عليكى اكتر باآيه ده اميلى the_sun_of_islam@yahoo.com

    ردحذف
  37. * فى التعبير عن المآسى الى بتحصل فى فلسطن *خطأ كمبيوترى

    ردحذف
  38. اسلوبك حلو اوى
    فعلا سيدتى كلمه ليست بالكلمه الخاويه
    تحياتى

    ردحذف
  39. هديل الروح
    يا رب ربنا يفرج عنهم..
    طبعا أن أسعد بالتواصل معاكي يا حبيبتى
    شكرااااااااا

    ردحذف
  40. الشوكة الناعمة
    أول زيارة ليكي و يا رب ماتكونش الأخيرة..
    ميرسي يا جميل .. ربنا يكرمك
    نورتينى

    ردحذف