السبت، 6 فبراير 2010

كلمة عادية

 كلمة عادية 

ها هى تنظر للمرة الخامسة بعد الألف إلى مرآتها لتتأكد أنها بكامل زينتها ... و تعيد تمثيل رسم أجمل بسمة على شفتيها .. ثم تنظر إلى الساعة بيأس ؛ فقد تأخر زوجها كثيرا ... تنظر إلى المائدة العامرة التى أعدتها .. الشموع الحمراء الهادئة .. تتأكد أن الزهور في موضعها .. ثم تنظر إلى الساعة .. كان سخطها يتزايد .. فقد كانت نظراتها تتوافق مع الصوت الذى تصدره دقاتها .. كاد ذلك أن يصيبها بالدوار .. جرعت من كوب الماء على المائدة .. و حاولت أن تهضم إهانته .. و تتناسي جدالها ..
تاهت مع دقات الساعة .. في ما حددث لها .. صدمها كثيرا أنها بعد عراكها في الدراسة .. و سهرها .. أن تجد من يقول لها لا عمل .. ثم تعيش معه فيأمرها بإحضار الطعام له و ينهاها عن أقوال إعتادت عليها .. ثم تظهر الصورة الثانية في ذهنها .. عن آخرشجار لهما .. تريد أن تخفي الصورة التى امتدت فيها يدها على زوجها .. تخفي الوقت الذى علا فيه صوتها على زوجها .. منظر الجيران الذين تجمعوا ليفضوا الاشتباك .. رأسها يدور .. تنظر إلى الساعة .. الواحدة بعد منتصف الليل .. الثانية .. الثالثة .. و لا تتوقف ثانية عن التفكير .. تتوقع أن تنفجر رأسها في أى لحظة .. لكن الدماء من رأسها ستفسد الثوب الذى تنتظر به زوجها .. تتمنى أن يصيبها الإغماء أو يغلبها النعاس .. أو الموت .. أيهما أسرع ..
  لكن هيهات .. تتذكر حفل زفافها .. تعود بالذاكرة إلى فترة الخطوبة .. و كيف كانت تقنع نفسها به بعد أن هجرها حبيبها .. فأرادت الإنتقام .. و أن توافق على أول من يدق بابها .. آه .. ها هى تصارح نفسها بالحقيقة التى لا تعترف بها أبدا .. هى مخطئة في حق زوجها كثيراً مواقف كثيرة لم يتخلى فيها عنها .. الساعة .. لم لم تستطع أن تميز أرقامها .. غلبها النعاس.. خيل إليها أن الساعة توقفت .. زوجها لم يحضر .. إنه نهار اليوم التالى ..في الوقت اذي نامت فيه رأت فيه حبيبها و زوجها و كأن زوجها روحه خرجت منه و دخلت في صورة الشخص الآخر..
اتجهت إلى صندوقها الصغير الذى تحتفظ فيه بصور حبيبها السابق و أحرقتها..كانت تنظر بتشف واضح لهذه الصور و هى تُحرق و إن جرأت دمعة على أن تتحجر بمقلتيها سرحت مرة أخرى مع هذه النيران الملهمة .. و انتظرت حتى تخمد..لكن رائحة الدخان كانت تملاء البيت .. فجرجت لتجد النيران مشتعلة في المنضدة بسبب الشموع التى نسيتها .. و أكلت هذه النيران الطعام و كل شىء .. تصارعت بداخلها الرغبة في أن تترك النيران تلتهما و ترتاح من ماضيها الأليم .. و حاضرها المشين .. لكن عز عليها أن تترك زوجها الذي أهانته دون مجرد إعتذار .. تصاعدت رغبتها في الحياة .. بمجرد أن تذكرته .. و صارعت النيران التى بلغتها ؟؟ و ارتفعت إلى أطراف ثوبها ؟؟ لو تشعر بعدها .. سوى بأن حلقها يؤلمها من الصراخ و رجليها تتألمان من الإسراع بالهرب .. بالحياة .. بالأمل .. و المستقبل .. وجدت نفسها خارج البيت .. أدركت أنها على قيد الحياة .. لم ترى عيناها سوى زوجها .. الذى تتدافع بين الحشود التى تجمعت .. احتضنها بشدة ..و قالت له كلمة عادية : آسفة..
تأبطت زراعه فوجدت أنها لا تقوى على السير .. حملها إلى المستشفى .. ناسيا مبيته تحت المنزل لتردده أن كان سيتركها أم لا .. إختفي الزوجان مبتعدنين .. تاركين الدخان و النيران .. و جموع الجيران المحتشدين يضربون كفا بكف متباينين المشاعر ...

هناك 62 تعليقًا:

  1. تسلم ايدك يا يوية
    حلوة أوي يا قلبي
    أحلى ما فيها اني وأنا بقراها كنت شايفاها قدامي بجد يا ايه ده ابداع منك بتليني اعرف اتخيل الكلام حلو أوي
    تسلمي

    ردحذف
  2. ................

    مش عارفه ارد !!!!
    تسلم ايدك وخيالك وقلمك وورقتك وتسلمي كلك لينا يااارب

    ضحكه .

    ردحذف
  3. ما شاء الله فكره جميله واسلوب جميل ربنا يوفقك يا يويو


    داليا

    ردحذف
  4. بجد مش عارفة اقول ايه احساس رائع وخيال اروع واسلوب التعبير تحفة بجد حلو اوى يااية

    ردحذف
  5. :(

    زعلتنى اوى وزعلت عليها
    شوفى ياايه
    انا زعلانه عليها لانى حاسه بالمها القديم بس المفروض انها كانت تنسى الشخص ده بمجرد دخول حد تانى فى حياتها
    وحتى لو منسيتهوش وقتها على الاقل تنساه لما تروح بيت زوجها مش تجيب صوره معاها؟
    هى كده ظلمت زوجها
    واعتقد حد زيه بالحنان ده عليها يستاهل منها انها تخلص ليه خصوصا ان ربنا خلقنا بحس مرهف وقلب وفى بطبيعته
    يعنى بمجرد مانلاقى زوج حنين مابيقصرش فى حقنا وبيراعينا بننسى القديم ونخلص للواقع

    اسلوبك جميل ياايه وسعيده بمعرفتى بلوجك :)

    ردحذف
  6. أسلوبك رااااااااائع جدااااااا
    وان كانت القصة تبعث على الحزن نوعا ما

    حمدلله على السلامة ونورتي مدونتك من جديد
    اظن مكتبتش من زمان

    تقبلي مروري

    ردحذف
  7. مروة
    ربنا يخليكي يا ميرو..
    جميل إنها وصلتك .. و خيالها بقى عندك ..
    ميرسي يا مرورة

    ردحذف
  8. ضحكة
    تسلميلي يا ضحكتى .. يا بطوطى الجميل..
    دايما رافعة معنوياتى..
    منورانى دايما حبي

    ردحذف
  9. السلام عليكم
    حابب أقول أني مررت على كتاباتك وأرى أن لكِ قلم موهوب مع القصة مع الدعم والتعضيد وإكثار المحاولات سينضج أكثر وأكثر إن شاء الله

    ردحذف
  10. داليا
    دوووووووووللى .. يا هلا..
    ربنا يكرمك ..
    شكرا لمتابعتك يا أختى الحبيبة

    ردحذف
  11. دعاء
    شكرا يا دودو..
    يا رب أكون دايما عند حسن ظنكم ..
    منورانى ..

    ردحذف
  12. نـــــــور
    أنا معاكى في كل كلمة ... و موافاقي جدا جدا ..
    عشان كده قلت حتى إنها حست بغلطها .. و أعترفت أدام نفسها لأول مرة إنها غلطت في حق زوجها ..
    كمان عايزة أقول إني مش رأيي إن البنات وحشين و بيفتكروا اللي قبل كده .. و ميتأمنلومش و الرجالة ملايكه و طيبين .. زي الشخصيتين اللي أنا متكلمه عنهم هنا ..

    لكن صدقينى و الله فعلا .. دى نماذج موجوده .. و أنا من إحاكاكى بالناس و القصص الحقيقية اللي بسمعها كتبت كده .. بس للأسف كتير النهاية بتكون مأسوية .. و مش زى النهاية اللي في القصة هنا ..
    شكرا جزيلا يا نور ..
    سعيدة بالتعرف عليكي و برأيك كمان

    ردحذف
  13. قلم رصاص
    شكرا لحضرتك..
    أه هى فعلا حزينة شوية .. بس أنا كنت متأثرة زي ماقلت بحاجات حواليا ..
    الله يسلمك..
    معلش أنا أتأخرت فعلا بسبب الدراسة و الإمتحانات..
    أسعدنى تواجدك كثيرا..

    ردحذف
  14. أحمد الشريف
    و عليكم السلام و رحمة الله و بركاته
    شكرا جزيلا .. للإهتمام ..
    الحمد لله إنها عجبت حضرتك ..
    و أدينا بنحاول ..
    نورت البلوج

    ردحذف
  15. روووووعى يا ايه

    مستقبلك باهر ان شاء الله
    ابقي اتحفينا دايما بالجديد

    سارة فودة

    ردحذف
  16. سارة
    دكتورة سارة بجد وحشانى أوووووووى..
    يا رب أشوفك قريب و اسمع عنك كل خير ..
    شكرا دا رأيك أعتز بيه جدا جدا ..
    جزاكِ الله خيرا مرة تانية

    ردحذف
  17. يا آيه ما شاء الله قصصك رائعه يا بنتى بجد مش بجامل بحس أن انا عايشه الموقف ..

    ردحذف
  18. موضوع جميل يا آية

    وأسلوب متميز


    وأبقى اناقشك فى شوية حاجة الصبح قصدى العصر يعنى لما اصحى
    ان شاء الله

    ردحذف
  19. هديل الروح
    أشكرك على هذا الثناء الرقيق ..
    مصدقة إنك مش بتجاملى .. و دى حاجة تشرقنى ..
    شكرا يا قمر

    ردحذف
  20. د. عرفه
    كويس إنه عجبك .. بس مناقشات إيه خماق طيب و لا إيه نوعه ...
    مستنياك أما تصحى .. إن شاء الله ..
    أنا بحب المناقشات على فكرة .. مفيش مشاكل ..
    هابي دريمز

    ردحذف
  21. القصة بجد جميلة اوى خيال رائع واسلوب اروع
    ربنا يوفقك يااية

    ردحذف
  22. السلام عليكم ورحمة الله وبركاته

    تسلمى يا دكتوره قصه جميله جداً بارك الله فيكِ .

    خالص تقديرى .

    ردحذف
  23. السلام عليكم ورحمة الله وبركاته
    اهم حاجة بس انا عاوز اعرف الكمبيوتر حصله ايه بعد ما
    طفوا النار

    ردحذف
  24. دعاء
    ربنا يخليكي يا جميل ..

    بس بجد نفسي أعرف دعاء مين بالظبط معلش؟! هى دعاء اللي فوق و لا واحدة تانية ؟
    دعاء طب و لا اللي في ألسن؟
    عموما شكرا و نورتينى كتيير

    ردحذف
  25. حياتى نغم
    و عليكم السلام و رحمة الله و بركاته
    تسلمي حضرتك ..
    جزاكِ الله كل خير .. أتمنى دوام المتابعة
    نورتينى

    ردحذف
  26. أبو مصعب
    و عليكم السلام و رحمة الله و بركاته
    هههههههههههههههه
    يا حرام مكنش عندهم كومبيوتر كمان
    كانت مقضياها أفلام و تلفزيون بس :p:p
    شكرا لحضرتك

    ردحذف
  27. جميل يا آيه ما شاء الله ربنا يوفقك منه

    ردحذف
  28. اهلا بعودتك يا يويو,
    من زماااااااام مش كتبتي,بس كفارة يا ستي وربنا يبارك في الأجازة,
    أسلوبك حلو فعلا,
    بصراحة البطله دي راكبها الغلط من ساسها لراسها يعني حبت قبل زوجها وكمان معاها صورته يعني ما كنش حب مكتوم ده كان شكله مشعلل :)
    وكمان واخداها وكل ذكرياتها لبيت زوجها,وبعد كل الحنية دي بتغلط في حقه,
    ده بقى زوجها ملاك ما اظنش فيه رجاله كده دلوقتي :)

    استمري يا جميل وامتعينا بكتاباتك.

    ردحذف
  29. منه
    ميرسي يا منونه يا حبي

    ردحذف
  30. سلمى
    أهلا بيكي يا سلوم
    ربنا يخليكي يا رب تبأه أجازة حلوة ..
    طبعا دي واحده بتستهبل أساسا .. و معندهاش دم .. و أنا كنت عايزة أٌول في أول تعليق ..زى ما قولت في ردي على نور كده .. إنى مش شايفه إن الرجاله ملايكه .. و لا الستات معندهاش دم كلها.. بس دي نمتذج موجوده .. و أكيد في الدنيا كل حاجه .. بس فعلا المشاكل بقت شايفاها كتير دلوقت جنب المشاكل اللى من كل نوع ..
    بس أنا حاولت أوضح إنها أكتشفت بغلطها و حسيت بأهمية الراجل اللى هى متجوزاه ده و مش عملاله حساب أوى .. و يعنى موضوع الحريقه و النار و كده .. إن كل اللى فات انتهى خلاص حتى كده هيعيشوا في مكان جديد و حتى الفضايح و الجيران و كده كله رموه و را ضهرهم .. و على الله حياتهم الجديدة تبأه حلوة فعلا..

    طولت عليكي يا سلوم .. رغيت كتير
    شكرا يا حبي

    ردحذف
  31. وصف رائع للمشهد

    إستمري

    تحياتي

    ردحذف
  32. السلام عليكم
    دى يمكن تكون اول زيارة للمدونة الجميلة دى لكن انا بجد سعيد لوجودى هنا
    ويشرفنى انى اقدملك دعوة للمشاركة فى حملة " فكرة من كل مصرى لأجل مصر ط
    لمتابعة التفاصيل رجاء قراءة البوست كامل على المدونة
    ادام الله بيننا التواصل

    ردحذف
  33. دة انت عامله بناء درامى راااائع
    وشديد التكامل
    وفى قصه قصيرة ضمت كل العناصر وبدون أى اخلال أو مط او تقصير
    وبطله القصه قدرت تلحق نفسها فى آآآخر لحظه
    حتى لو حرقت كل اللى راح من أيامها

    موافقه دائما يا دكتور

    ردحذف
  34. يوسف

    شكرا لحضرتك يا باشمهندس..
    منورانى دايما..

    ردحذف
  35. م/محمد صالح
    و عليكم السلام و رحمة الله و بركاته
    على فكرة دى مش أول زيارة لحضرتك .. بس حضرتك منورنى مرة تانية ..
    و أتمنى دوام التواصل إن شاء الله ..
    فكرة حضرتك رائعة .. يا رب دايما .. مصر أحسن

    ردحذف
  36. صـــفاء
    شكرا يا حبي..
    ده أنا على كده أتغر خالص..
    الحمد لله إنها عجبتك .. كنت قلقانة شوية عشان الطريقة مختلفة عن اللي كنت بكتبه قبل كده .. مش خيال زيادة أوى..
    منورانى كتييييييير

    ردحذف
  37. أولا حمدا لله على سلامتك يادكتور نورتى من جديد
    القصة بجد صياغتها روعة
    وفعلا موضوع انك تنتقم حتى من نفسك حاجة هتفضل تعانى منها العمر كله
    ربنا يكرمك ويسعدك دايماااااااا

    ردحذف
  38. قبل أى كلام ... حمدا لله على سلامتك
    طالت كتير غيبتك
    لكن فى الحقيقة رجعتى بعمل متميز
    أعتقد دائما أن الألم و الحزن هو الباب الملكى المباشر إلى القلب
    فعلا بجد إحساس رائع
    سلمت يداك
    تانى ... نورتى التدوين

    ردحذف
  39. سررنا بالمرور ولذلك نوجه لك هذه الدعوه
    نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
    نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
    ونذيع هذه الموضوعات مع التعليقات ومقتطفات من مدونات اصحابها اذا رغبوا
    وبذلك نجمع لأول مره بين الأعلام التقليدى والنت
    مدونتنا
    http://netonradio.blogspot.com

    ردحذف
  40. محمد غاليه
    الله يسلمك يا دكتور..
    هى فعلا حاجه صعبة إنك تنتقم من نفسك و إحساس الذنب بيكون صعب جدا .. بس يا رب بطلة القصة بعد بدايتها الجديدة في نهاية القصة تنتهي معاناتها ..
    شكرا كتير لحضرتك..
    نورتنى بجد

    ردحذف
  41. الشاعر الفنان أحمد فتحى فؤاد
    الله يسمك يا شاعرنا ..
    ميرسي جدا .. على كلماتك الرقيقة..
    و شكرا على زيارتك التى تسعدنى دائما..

    ردحذف
  42. أنت تسأل و الكمبيوتر يجيب
    أنا أسعد بمروركم الكريم.. و أنا من عشاق السماع للراديو .. و فعلا فاكرة البرنامج ده من مده..
    شكرا لحضرتك

    ردحذف
  43. ماشاء الله عليكى بجد هيا فعلا غلطت بس وصفك الجميل لقلقها وانتظارها لزوجها واد ايه من ندمها كانت بتفكر تموت وتستريح وتريحه خلانى اتعاطف معاها شويه صغننين وهيا رجعت لعقلها الحمد لله بتفكرنى بفيلم احلام حقيقيه البطله تقريبا عانت زى بطلتك وبرضه جوزها حبها وماسبهاش وبجد انا مش حالحق اعلق علي كل البلوج بس اختيارك للصور المرفقه هايل الابيض والاسود بينو فعلا الصراع اللي كانت فيه ربنا يخليلك دماغك ومايحرمكيش من رغييى الكتير دا نودا برضه

    ردحذف
  44. نودا
    إيه النقد الهايل ده !!
    شكرا يا حبي..
    أنا بحب كده جدا .. مش مجرد تقولى حلوة بس ..
    استمتعت بردودك كتير

    ردحذف
  45. رائعة
    وماتعة
    أحسنتِ
    عشت مع سطورك وكأني ارى مسلسلاً مصوراً

    بارك الله لك في قلمك الرائع

    ردحذف
  46. ازيك يا يويو؟
    ما شاء الله على الابداع
    اسلوبك رائع
    و اجمل ما فيها ان نهايتها مش حزينه
    عارفه لو كنتى حطيتى نهايتها انها ماتت
    كنت عملت فيكى حاجه :-))

    ردحذف
  47. يسرا
    تحياتى ليكي .. و شكرا لزيارتك الأولى ..
    شكرا على كلاماتك الرقيقة و يا رب أكون دايما عند حسن ظنك..
    و يا رب تتابعينا على طول..
    نورتينى

    ردحذف
  48. وحى القلم
    أنا الحمد لله كويسه .. فينك يا سمسم؟!
    طيب انا تمام كده مش هضرب يعنى و لا حاجه؟؟!!
    كتير بيكون نفسي أعمل نهايات كئيبة بس الناس بتصعب عليا ..
    بقول هم ناقصين!!
    welcome back sweaty

    ردحذف
  49. السلام عليكم ..
    أسلوبك جميل و سلس .. القصه عجبتنى جداا
    تقبلى تحياتى لكى

    ردحذف
  50. rovy
    و عليكم السلام

    شكرا لكِ صديقتى ..
    نورتينى يا قمر
    و أتمنى دوام التواصل

    ردحذف
  51. د.آية

    اعتقد دي أول ظزيارة لي في مدونتك و إن شاء الله نتواصل دوما ...قصة جميلة بالرغم من أحداثها بس فعلا لحظات الغضب بتنتهي بسرعه وبنندم للحظات طوال ...تسلم إيدك

    ردحذف
  52. رائعة... بجد برافوا عليكى فى انسجام الاحداث والمشاعر

    كنت بقرأ وكأنى انا شخص فى القصه دى احسنتى

    ردحذف
  53. السلام عليكم ورحمة الله تعالى وبركاته
    اللهم أنى أعوذ بك من النار ومن عذاب
    النار ومن كل قول أو فعل يقربنا من النار
    زى ما قالت (الباشمهندسة نور)ما كنتش مفروض تجيب
    (ما مضى من زمن )معها الى بيتها وحياتها الجديدة ولكنه حدث والحمد لله (جت سليمة (وأهو درس)لها
    ولغيرها أن قرأ ووعى.
    تسلم ايدك يادكتورة
    وفى انتظار الجديد.

    ردحذف
  54. لا يا قمرايه اتغرى براحتك
    لأن بجد القصه القصيرة حلوة ومتميزة
    وأيه يعنى لما تختلفى عن أسلوبك
    ماهو دة نوع من الأدب الفنى

    ردحذف
  55. كلمات من نور
    أهلا بأول زيارة .. زيارة غالية أكيد..
    هى أحداثها محزنة ..بس كما قلتى لحظات الغضب التى تمر..
    سعدت بكي كثيرا ..
    مستنياكي عل طول

    ردحذف
  56. الباحث عن الصفر
    أول زيارة أيضا . أهلا و سهلا..
    شكرا لحضرتك .. هو المطلوب أن نكون أشخاص في القصة .. لكن بالتأكيد لا أريد أن تمر بما مروا به ..
    نورتني

    ردحذف
  57. د.دنورهارتى
    و عليكم السلام ..

    اللهم أنى أعوذ بك من النار ومن عذاب
    النار ومن كل قول أو فعل يقربنا من النار
    آمين يا رب

    أكيد طبعا هى غبطانه .. بطلة القصة ..
    شكرا كتيييير يا دوك

    ردحذف
  58. صفـــاء
    شكرا يا حبيبتى ..
    مشجعانى دايما ..
    يا رب أكون عند حسن ظنك..

    ردحذف
  59. احيانا الانسان مبيحسش بقيمة النعمة غير لما يفقدها وكويس انها ادركت المعنى دا قبل فوات الاوان والا كانت هتندم طول عمرها

    د/ اية مشاءالله اسلوبك جميل جدا

    دى اول زيارة ليا وان شاءالله مش هتكون الاخيرة لو تسمحي اضيف مدونتك ف مدونتىhttp://bancea.blogspot.com/

    ردحذف
  60. قلمى يعنى أنا
    أهلا و سهلا بحضرتك
    انا بعتذر عن التأخير ده بس بجد لسه شايفه التعليق حالا و انا مش بدخل كتير
    شكرا كتير لحضرتك..
    طبعا ممكن تحطيها عندك ده شرف ليا
    شكرا

    ردحذف