الجمعة، 24 أبريل 2009

بعد الثمانين


بعد الثمانين

مازلت أرقد فى موضعى هذا بلا حراك .. قد عزمت على أن أذهب لأقوم الليل ..لكن شيطانى أرقدنى .. أن أتذوق طعم النوم .. تنادينى أحلامى السعيدة متلهفة أن أذهب إليها سريعا .. لكن خوفي أنا تنقلب على يمنعنى .. يقيدنى مقعدى بسلاسل خفية .. انتظر تنفيذ شيئا من أعمالى .. لكن تلوح إلى ذكريات بعيدة و أصوات مختلطة من ماض كان سعيدا .. لأنه فقط ماض .. غيوم من الأوهام السوداء تنساب حولى لتطفئ أى نور لدى .. صوت متحشرج لصرخة طويلة عجزت عن الخروج من فمى .. و دموع تحجرت في مقلتى .. و دمائى تجمدت في عروقي.. هذا الظلام الدامس .. و هذا الجو الخانق .. أميت أنا ؟! و الآن فى قبري؟!! أغلقت صحفى .. و انتهت أعمالى .. انتهت سنون عمرى .. تشهد على جوارحى و تفضح ذنوبي .. ما الذنب إلا مهلكى و ما الوقت إلا قاتلى .. أضنيت سنين عمرى في لعب و فى هزل .. و خوف و ترقب من ضياع لذة زائلة .. و نسيت بأن الله لى ناظر و على أعمالى مطلع .. علمت بأن العمر فان و الدنيا زائلة .. فعشت فيهما عيشة المجنون الذي لا حساب له ..
أفقت من هلاوسي على صوت حفيدتى التى ضاقت بأوهام الموت لدى .. تجاوزت الآن الثمانين من عمرى .. ماذا أنتظر غير الموت ؟! ماذا أتوقع غير الجحيم ؟! لن تفارقنى ذنوبي أو خطاياى ..
اعلم أنك يا ربى واسع المغفرة .. اغفر لي يا عفو يا غفور .. أنا الضعيف الذليل .. أنا الشاكى الضعيف .. المقر المعترف بخطاياه .. تب على يا الله .. قبل أن تتوقف ساعة العمر لدي .. و ينتهى أجلى .. أنت حسبي و مولاى .. ارحمنى من عذابات نفسي .. هون على قبض روحى يا رب العالمين .. استجير بك منك لا ملجأ و لا منجى منك إلا إليك..
سكت الصمت و انتهى الكلام .
.

هناك 44 تعليقًا:

  1. السلام عليكم ورحمه الله وبركاته
    يشرفني طبعا ان اكون اول تعليق
    الموضوع بتاعك حلو قوي لدرجه اني كنت حاسس ان الموضوع عني مع ان احنا لسا شباب بس الله اعلم الاعمار بيد الله
    منقدرش نقول غير المقطع الجميل ده: اعلم أنك يا ربى واسع المغفرة .. اغفر لي يا عفو يا غفور .. أنا الضعيف الذليل .. أنا الشاكى الضعيف .. المقر المعترف بخطاياه .. تب على يا الله .. قبل أن تتوقف ساعة العمر لدي .. و ينتهى أجلى .. أنت حسبي و مولاى .. ارحمنى من عذابات نفسي .. هون على قبض روحى يا رب العالمين .. استجير بك منك لا ملجأ و لا منجى منك إلا إليك..

    الالفاظ والسرد بتاع الموضوع رائع
    اخ وزميل

    ردحذف
  2. بجد يا آية
    بتعجبنى الطريقة اللى أنتى بتكتبى بيها دى
    وطرح جميل أوى لفكرتك
    ربنا يغفر لينا ويتجاوز عن تقصيرنا

    ردحذف
  3. بسم الله الرحمن الرحيم
    السلام عليكم ورحمة الله وبركاته
    د/ايه
    تحياتى
    موضوع جميل جدا
    وتذكِرة مهمه فعلا
    فكلنا مقصرين وبننسى ان العمر مش مضمون
    واملنا فى الدنيا كبير
    اللهم اغفر لنا ذنوبنا
    وافتح لنا ابواب رحمتك وتب علينا واهدنا
    تقبلى مرورى وتحياتى
    ودمتِ بكل خير وود
    والسلام عليكم ورحمة الله بركاته

    ردحذف
  4. البوست جميل يادكتورة دايما بوستاتك بتشدينى جدا فى الاسلوب وفى طريقى العرض وفى الفكرة كمان كلمات قليلة تحمل معانى كثيرة
    ربنا يغفر لنا ويتجوز عنا يارب

    ردحذف
  5. مبدعه كالعاده يا ايه
    وكلنا فعلا محتاجين نفوق
    العمر مجرد لحظات بتعدى ومش بنحس بيها
    ربنا يغفر لنا جميعا ويحسن ختامها
    دمتى متألقه

    ردحذف
  6. أنا العبد المفرط ضاع عمري***فلم أرع الشبيبة والمشيب
    تحفة يا اية أبدعتي فعلا
    عبرتي عن الفكرة بحكاية اترسمت في خيالي وأنا بقرأها
    أياساحرة خيالي........دمتي مبدعة

    ردحذف
  7. محمود جامع

    و عليكم السلام و رحمة الله و بركاته
    الشرف ليا يا أفندم .. و سعيدة بأول زيارة لحضرتك..
    يا رب تشرفنا دايما ..

    ردحذف
  8. د. عرفه

    شكرا يا محمد ..
    انت اللي شجعتنى إن أنا أكتبها هنا .
    ربنا يخليك ليا يا محمد يا أخويا ..

    ردحذف
  9. المعتصم
    و عليكم السلام و رحمة الله و بركاته
    اللهم اغفر لنا ذنوبنا
    وافتح لنا ابواب رحمتك وتب علينا واهدنا
    آمين يارب ..
    طبعا الكل مقصر .. كلنا هذا الرجل..

    شكرا لمرورك..
    نورتنى

    ردحذف
  10. أيوشه

    ردودك دى غاليه عليا جدا ..
    متحرمناش منك تانى ..

    سعيدة جدا بزيارتك

    ردحذف
  11. sun_shine
    شوشو ..

    ربنا يغفر لنا جميعا ويحسن ختامها
    آمين يا رب..

    فعلا كلنا في غفلة .. ربنا يغفر لنا و يرحمنا ..

    نورتينى

    ردحذف
  12. MSR

    تصدقي ماجتش في بالي ساعتها..
    بس حلوة طبعا..
    ميرسي يا مروة

    ردحذف
  13. جميل هو هذا الإحساس
    ومبدع دوما ما تخطه أناملك

    دمتي بتالق وإبداع

    الحارة سد

    ردحذف
  14. جميلة طريقة تعبيرك يا آية,
    ولو أني ما اتخيلش أن ربنا يديني طولة العمر زي بطلة قصتك,
    بس كل ما اتمنى ان يهديني ربي الى ما يحب ويرضى ويغفر لي تقصيري,ويحيني على الاسلام ويتوفني من المسلمين,
    دمتِ مبدعة.

    ردحذف
  15. حارة سد


    شكرا على هذه الكلمات الرقيقه

    أسعدنى تواجدك ..

    ردحذف
  16. سلمى محمد

    ربنا يديكى طولة العمر يا سلمى ..
    نورتينى يا حبي..

    بس على فكرة كنت متخيلة البطل مذكر يعنى ..

    ردحذف
  17. السلام عليكم
    أشكرك على هذا الطرح الطيب الهادف وتذكرة رائعة نعنا الله بها وإياكم
    وجعله الله فى ميزان حسناتك
    دمت بكل الخير

    ردحذف
  18. مش عارفه يا يويو,
    بس انا تخيلتها انثى,مش عارفه ليه ؟
    يمكن يكون تحيز لبني جنسي (:

    ردحذف
  19. قويه للغايه يا دكتور
    وميقظه للضمير بطريقه مخيفه
    اللهم خفف عنا وتب علينا وأرحمنا
    اللهم هون علينا عذاب القبر
    بارك الله فيكى يا دكتور على القصه القصيرة ذات السرد الراقى والهدف الواضح
    تحياتى ليكى يا قمرايه

    ردحذف
  20. السلام عليكم

    كلمات حضرتك رائعة د.آية

    بارك الله فيكي

    ومدونتك تعطي نوعا من الراحة النفسية

    مزيد من التوفيق

    ردحذف
  21. الله يحسن خاتمنا ويتجاوز عن اخطائنا

    كلماتك بمنتهى الرووووووووعة

    بارك الله فيكي عالتذكرة الحسنة

    دمتِ بحفظ الرحمن

    ردحذف
  22. السلام عليكم

    دوماً ما نحتاج إلى الرجوع الى خالقنا والاعتراف بذنوبنا وما قدمته أيدينا من معاصي ومنكرات
    فهو ربنا وان لم يغفر لنا فمن سيغفر لنا .؟!!

    كلمات متألقة اختي د.آية ..
    أسأل الله ان يجعلها في ميزان حسناتك
    دمت بخير..

    لا تنسوا اخوانكم في غـزة من دعائكم

    ||..بحــر الدموع..||

    ردحذف
  23. سلمى محمد

    عادى يا سوسو مش هنختلف ..
    منورانى للمرة التانيه

    ردحذف
  24. صفاء

    اللهم خفف عنا وتب علينا وأرحمنا
    اللهم هون علينا عذاب القبر

    آااااااااامين ..


    شكرا يا صفاء...
    أنا عارفه انها مخيفه فعلا .. مش عارفه ليه وقت اما كتبتها.. كنت نفسي أجرب أكتب حاجه كئيبة جدا و بالإحساس ده ..
    فاستجمعت كل القوى المخيفه .. و المكتئبه .. و كتبتها ..
    و في الآخر خفت انشرها بس محمد اخويا شجعنى ..

    ميرسي يا جميل ..

    ردحذف
  25. قلم رصاص ..

    و عليكم السلام و رحمة الله و بركاته

    شكرا لزيارة حضرتك الأولى .. و ياريت تتكرر ..

    و الحمد لله إن المدونة عجبتك ..

    ردحذف
  26. نوارة

    الله يحسن خاتمنا ويتجاوز عن اخطائنا
    آااااااامين
    منورة المدونة يا نوارة ..
    شكرا لكِ

    ردحذف
  27. بحر الدموع


    جزاك الله خيرا ..
    و ربنا يغفر لنا جميعا ..

    اللهم انصر أهلنا في فلسطين .. و انصر أهل الحق ..
    و حرر يا رب المسجد الأقصي
    اللهم آمين

    ردحذف
  28. ما شاء الله .. كلماتك طيبة الفكره وكلنا مارون بالموت لا محال ... لكن ؟؟!! أينا يعد له زاده ويستعد له .. اللهم اجعلنا ممن يري الموت راحةً له من كل شر والحياة زيادة في كل خير .. أحسنت ِ وبارك الله فيك .. اتمني أن تزوري مدونتي أحاديث الروح . http://ahadeethalroh.blogspot.com/

    ردحذف
  29. السلام عليكم
    تحية طيبة لك
    دعوة خاصة للمشاركة والكتابة في مجلة رؤية مصرية
    المجلة أسبوعية الكترونية صدر منها ست أعداد حتى الآن
    بامكانك زيارتها على http://roaua.com/

    ومراسلتنا على roaua.com@gmail.com

    خالص تحياتي ومنتظر ردك وحضورك

    رئيس التحرير

    ردحذف
  30. أسلوب عرض مشوق ووصلت الفكرة منسابة ومركزة
    جزاكِ الله خيرا
    وربنا يرزقنا القلب الحى والبصيرة
    ليست زيارتى الأولى بالطبع لربما فقط هو التعليق الأول لكن استمرى ماشاء الله ربنا يبارك لكِ وفيكِ وينفع بكِ دوما يا دكتورة آية :)

    ردحذف
  31. جودى

    نورتى المدونة ..
    و شكرا لكلامك الرقيق
    مدونتك جميله

    ردحذف
  32. كاتب مصري


    أسعدنى تشريفكم ..
    و إعجابكم بكتاباتنا المتواضعه..

    أكيد طبعا إن شاء الله أشارك معاكم

    ردحذف
  33. خديجة عبد الله

    كنت لسه هقول شكرا لزيارتك الأولى بس خلتينى أقول شكرا لردك الأول..
    بجد أنا فرحانة بردك جدا..

    شكرا و نورتينى

    ردحذف
  34. كاتب مصري


    بجد المجلة تحغة ..
    ربنا يكرمك أنا قريتها بس لسه مسجلتش و كده ..
    بس راااااااااااااااائع جدا

    ردحذف
  35. السلام عليكِ ورحمة الله وبركاته
    البوست بجد رائع وفيه حاجات كتير جميلة وفى كلمات كتير تصلح ان تكون موضوعا كاملا ويكتب فيها الكثير والكثير .
    ربنا يرحمنا جميعا ويغفر لنا خطايانا .
    ربنا اغفر لنا ذنوبنا واسرافنا فى امرنا ربنا لا تؤاخدنا ان نسينا او اخطأنا .
    دمـتِ حبيبتى بكل خير .

    ردحذف
  36. السلام عليكم ورحمة الله وبركاته..
    فى البداية ..أحيكِ علبى المدونة.. وثانيا .. تحيه لشعبة الطب المتفرعة التى تحتل المساحه الشاسعه..

    ثالثاً : الدنيا تتفرع من الدناءة .. فكل ما بها دنيوى لا يرتفع فيها إلا زاد الارواح.. والحياة انفاس وخلال الايام يتم الانبات بخيريته أ و بعدوة اللدود وفى الاخير دار الحساب..
    وكما قال على ابن ابى طال _ رضى الله عنه الدنيا قد تولت مدبرة والاخره قد ترحلت فكونوا من ابناء الاخره ولا تكونوا من ابناء الدنيا فان كل ام يتبعها ولدها واليوم عمل بلا حساب وغداً حساب بلا عمل"
    ونسال الله العفو والعافيه فى الدنيا والاخره وان يهدينا .. دمتِ بخير ودعواتى بالتوفيق فى موسم الامتحانات .

    ردحذف
  37. آيه
    مرسي ياقمر على مرورك وتشريفك ليا في مدونتي
    بجد بوست اكتر من رائع وجميل جدا ان الانسان يبدا يحاسب نفسه بس مفروض من بدري لان العمر مش مضمون انه يطول ربنا يغفر لنا ذنوبنا ويحسن خاتمتنا
    كلماتك جميلة جدا
    تسلم ايدك
    تقبلي خالص تحياتي

    ردحذف
  38. نبض الحياة

    أشكرك على هذا الإطراء الجميل..

    ربنا يرحمنا جميعا ويغفر لنا خطايانا .
    ربنا اغفر لنا ذنوبنا واسرافنا فى امرنا ربنا لا تؤاخدنا ان نسينا او اخطأنا .

    آمين ..
    نورتينى اوىىىى يا حبي

    ردحذف
  39. نور


    و عليكم السلام و رحمة و بركاته
    نورتى المدونة..
    معظمهم طب يمكن أنا غيرت شوية عشان ماتمليش صيدلة المرة دى .. هو فرع بردو معلش بقي!!

    شكرا لكلامك الطيب..

    ردحذف
  40. فنونة

    على إيه ربنا يكرمك يا فنانة يا جميلة..


    طبعا لازم نحاسب نفسنا من بدري ربنا يغفر لنا يا رب..
    لكن بس أناهنا بتكلم عن حالة معينة ..

    نورتيتى ..

    ردحذف
  41. اولا انا لسه مقرأتيش البوست

    عشان بعيد عنك بذاكر

    لكن هأقراه لانه شكل شيق

    وبجد زعلانه منك يكون عندك مدونه

    ومش أعرف


    اعرفينى لوحدك بقى

    عاشقه الأقصى

    على فكرك عارفه انك هتعرفينى بسرعه

    سلام ياجميل

    ردحذف
  42. عاشقة الأقصى

    لولو عارفاكى طبعا يا بنتى ..
    مابعرفش أشوفك كده غير في الأعياد؟؟
    يلا مستنياكى بقي تقريها و تقولى رأيك..
    على فكرة دخلت مدونتك يا عم الرمانسي بس كنت مستعجلة ... بعيد عنك إمتحانات بقي و مش بلحق ..

    WAITING.....

    ردحذف
  43. ابدعتي يا ايه
    ولمستي واقع ملنا فيه ولاسف بنهرب منه
    ربنا يكرمك ويبارك فيكي
    باستمتع بكتاباتك
    ساره طريح

    ردحذف
  44. سارة طريح
    شكرا يا حبيبتى ..
    نورتينى .. شكرا ليكِ

    ردحذف