السبت، 21 فبراير، 2009

في بطن الحوت (قصة قصيرة)

في بطن الحوت
سار مختالا مثل الفرس المزهو بنفسه، و في يده تلك التى يحتضنها بقوة... حقيبة يده التى بها جواز سفره و عبوره إلى العالم المنفتح .. و الثروة التى ليس لها حدود ... لم يلحظ أنه مبعثر الهيئة و غير مهندم ... حيث كان يرتدى أفضل ملابسه على الإطلاق ، على الأقل بالنسبة له ... رمق فتانا الوسيم بنات حارته في سخرية ، و هو يجتاز نهر فينسيا الذى فى شارعه ، و يتواثب على قطع البلاط ، التى وضعوها للماره... الشىء الذى يوضح للناظر أحقيته في الفوز بالميدلية الذهبية للوثب في الأوليمبياد ...رمق هاته الفتايات قائلا في سره " يا لكم من تعيسات ، غدا سأعود و في يدي أجمل حسناوات أوروبا ..لقد حصلت على شهادة جامعية و تعبت في الدراسة .. كانت هذه أوهام دارت هذه الأفكار برأسه.. أحس بأن شارعه أصبح أكثر ضيقا و قبحا، و أن جيرانه ليسوا من مستواه ؛ فلم يلقى عليهم بالتحية كما كان يفعل في السابق ، و صعد إلى منزله -أو لنقل غرفته – سريعا متواثبا ، كأنه في سباق مع ضربات قلبه المنفعل المتحمس... لم يجد أحدا من أهله بالداخل .. أحس بالارتياح لذلك .. لكن شعر بمدى ضيق المكان ؛ فقد كان لطوله يكاد يرتطم بالسقف ، و يكاد يجتاز الغرفه من أولها لآخرها بخطوة واحدة . و مع صغرها تشعر أنها مزدحمة .. أراد أن يعيش في جو من السعادة ، و أن يدخل البهجة على قلبه ؛ بمناسبة حصوله على جواز السفر... أدار التلفاز .. فإذا بخبر تحطم عبارة على سواحل ..... تضم شباب مصريين ، كما أوضح المسئول ........حول المؤشر عن القناة ، لم يكن يريد تشاؤم ... " أحلف بسماها و بترابها ... أحلف بدروبها و أبوابها .. أحلف .." يكفي هذا .. أغانى وطنية هذا ما ينقصنى " هكذا قال ..قناة أخرى فبلم عربى أم تودع ابنها المسافر و نحيب ..أخرى قتل و حروب .. و فجأة .. سمع صوت عويل و صراخ فى الشارع .. تقلص وجهه و تبدلت ملامحه ، ذهب لينظر من الشرفة فإذ بجنازة تلوح من بعيد ، و نساء متشحات بالسواد يلطمن الخدود .. نظر أمام شرفته فوجد قطة سوداء كبيرة تنظر له بغيظ ..أغلق النافذة سريعا ، و قال لنفسه لن أفسد فرحتى مهما حدث ، تنقل بين قنوات التلفاز .. تاريخ ، كرتون ,, حتى وصل إلى بغيته .. أغانى و أنغام صاخبة .. رفع من صوت هذه الأغانى لأقصي درجة و أخذ يتمايل و يرقص بطريقة هستيرية معها.. شعر بالهبووووط و أنه ينزل بلا قرار إلى أن وجد نفسه ، في بطن كائن عملاق ، ربما حوت عملاق ، و أنه داخل سجن من ضلوعه و أمامه هيئة المحكمة ... الصمت يسود المكان إلا من أنفاس الحوت ، و الإضائة الحمراء من أحشاءه .. لم يكن هناك محامين للدفاع ... كانت هيئة المحكمة كلها تهاجم فقط .. و كانت مكونة من الأعضاء الآتية : في المنتصف .. الذى يدير المحاكمة رجل من الفراعنة .. ربما أحمس و حوله محمد أبوتريكه ، عبدالحليم حافظ ، الدكتور مصطفى مشرفة ، و رجل أسود اللون لا أعرفه ، عرف نفسه أنه شهيد معركة رغيف الخبز مصر 2200 ، أخذ كل منهم يهاجم و يشرح قصة كفاحه و بطولته ... يتحدث أحمس عن الشمس التى كانت.... و ابوه ... يغنى عبد الحليم أغنية و يتحدث الكتور مشرفة بصوت هادىء.. "و ما دخلى أنا ما ذنبى أنا"تحدث صاحبنا في سره ... جاءت المدعى عليها .. سيدة بادية الطيبة اسمها مصر و تتحدث عنه و عن أخرى شقراء .. و تتناهى إلى مسامعه كلمات مثل هروب ... خيانة و يتحدث الجميع في صوت واحد .. و الضوضاء ملئت رأسه ، فأخذ الرئيس أحمس يدق بالمطرقة بشده ليصمت الجميع "هدوء"...فجأة أفاق ليجد نفسه ملقى على الأرض و رأسه تنذف دما لارتطامه بحافة السرير ، و ما أفاقه غير جاره الذى هتف به منذ نصف ساعة و أنا أدق الباب ماذا حدث بنى؟! إذا لم تكن هذه طرقات أحمس ، كان هذا الرجل أسود اللون له ملامح شهداء حروب رغيف الخبز...
تمت

هناك 40 تعليقًا:

  1. بسم الله الرحمن الرحيم
    دى طبعا زى ما هو واضح لكم أول قصة انشرها في المدونة ..
    يا رب تعجبكم ..
    و اسم القصة (في بطن الحوت) وجدته اسم قصة أيضا لمحمد عبد القدوس الكاتب الكبير .. و لكنى كتبت هذه القصة قبل أن أقرأها ..
    و كانت فكرة هذه القصة في ذهنى منذ عام .. حيث كنت متأثرة بالشاب الذي مات قتيلا عقب سقوطه من طائرة .. كان مسافرا للخارج علي جناحها ...
    بانتظار آرائكم..

    ردحذف
  2. قصه جميله يا آيه
    بس المشكله ان الشباب اتقرف من البلد دى
    ومحتاج مقابل يرضيه للمجهود اللى بيبذله
    انا معاكى انه مينفعش يعرض نفسه للخطر
    بس معظم الشباب دلوقتى نفسها تسافر



    بعدين
    مين ابو تريكه اللى تحطيه كقاضى
    انا مش بحب ابو تريكه
    ههههههههههههههه

    ردحذف
  3. عسوله ياايه زي ما قلتلك
    ربنا يبارك فيكي يا حبي ويزيدك
    وانا سعيده ومفتخره بيكي جدا..
    انتي تاني حد اشجعه والاقي منه حاجات جميله كده
    وان شاء الله الاجمل والاجمل قريبا ..
    منتظره ....
    بالتوفيق.....

    ردحذف
  4. جميل

    بداية قوية

    وصفك للمشاعر والأحداث دقيق ومعبر

    بالتوفيق إن شاء الله

    ردحذف
  5. بسم الله

    مبارك على المدونة الجميلة دي

    واهلا وسهلا بك في عالم التدوين الواسع وان شاء الله تشكلين اضافة جديدة وقيمة فيه

    بالنسبة للقصة انا كنت قرائتها من قبل ان تنشر على المدونة وقد اخبرت محمد برايي وارجو ان يكون قد وصلك ان شاء الله وبدون ان يزيد او يبالغ فيه .. لاني عارفك يا محمد

    بورك فيكم ودمتم بخير

    ردحذف
  6. قصة جميلة
    سلمت يمناكي
    تقبلي تحياتي

    ردحذف
  7. بدايه مبشره ان شاء الله
    ومبروك المدونه
    مدونتك زى السكر على فكره

    ردحذف
  8. تقبل تحياتي
    مبارك عليك المدونه الجديده
    كلامك منطقي واقعي
    فهذا حال معظمنا من الشباب

    كل يريد الهجرة ليجد ما يتمني هناك
    رسم لنفسه الرسمه ولكن أخطئ عندما صدقها
    صدقها بكذب وغرور

    ولكنه ما سئل نفسه يوما ماذا لو لم أجدهذا هناك ؟؟؟؟؟

    على درويش

    ردحذف
  9. مبروك على المدونة الجديدة القصة جميلة جدا بس فعلا الشباب بئا ياس ومش لاقى سبيل غير انه يسافر ويحقق حلمه
    تسلم ايديك على القصة

    ردحذف
  10. د/عرفه
    شكرا يا محمد إنك أول واحد تردلى..
    أوك الشباب اتقرف و عايز يسافر انا عارفه لكن.. ليه ميطورش هو بلده؟! ..
    ليه مايعتبرش نفسه مسئول عنها .. و يبذل جهده قدر الإمكان .. ليه بيقول هيا اللي تعبانا و قرفانا .. ماحنا السبب ..
    أنا متحمسه أوى لمصر اعذرنى بقي يا محمد..

    ردحذف
  11. dado
    حبيبة قلبي شكرا لتشجيعك الدائم ليا ..
    دعواتك كده.. منتظراكى دايما..

    ردحذف
  12. حسام غانم
    نورت يا د.حسام ..
    شكرا لزيارتك للمدونة..

    ردحذف
  13. أحمد سعيد بسيوني
    الله يبارك فيك يا دكتور أحمد ..
    بما إن حضرتك عارف محمد .. و اعتقد أنا كمان عارفاه .. فأكيد موصلنيش الكلام بالظبط..

    ههههههههههه
    بس فعلا هو أكد على الجملة الأخيرة..
    يارب تكون عجبتك..

    ردحذف
  14. fnoonh
    نورتينى حقيقي يا أفنان ..
    أرجو ان انتم اللي تقبلونى عضوه جديده في عالم المدونات...
    سعدت بمرورك..

    ردحذف
  15. wesoooooooooo
    انتى اللي زى السكر علي فكرة ..
    نورتينى يا قمر ..
    شكرا لتشجيعك..

    ردحذف
  16. مهندس / على درويش
    شكرا لكلامك .. يا باشمهندس..
    هذا ما بالظبط أردت قوله.. شباب يبنى أحلاما في الهواء .. بلا أي أساس يعتمد عليه ..
    نورت المدونه..

    ردحذف
  17. ايوشة
    فعلا يا ايوشه شيء محزن جدا ..
    شكرا لمرورك علي المدونة..

    ردحذف
  18. طبعا انتي عارفه رايي بجد جميله وزي ما قلتلك المحكمه عجباني جدا لان اعضائها فعلا هم علامة البلد
    عايزه اشوف كمان من ده متحرمناش

    ردحذف
  19. جميله جدا يا ايه فى انتظار الجديد منك
    دمتى متألقه

    ردحذف
  20. غير معرف ..
    نورتينى .. بس انتى مين بالظبط؟؟؟؟؟؟؟؟

    ردحذف
  21. sun shine
    في انتظار رأيك دايما ..
    شكرا لمرورك..

    ردحذف
  22. بجد أول تجربة حلوة جدا
    وأكتر حاجة عجباني أسم المدونة ( مجرد فكرة )
    لأن كل حاجة كانت مجرد فكرة
    كل حاجة بمعني كل حاجة ما عدا الخليقة طبعا
    ان شاء الله اكون من متابعي مدونتك علي طول ومتغبيش علينا

    ردحذف
  23. جميل اوي علي فكرة ان دي تبقي اول تجربة ليكي
    وأهلا بيكي في عالم المدونين
    وزيارتك شرفتني وياريت تتكرر
    وانا ان شاء الله هبقي من متابعي مدونتك علي طوووووول

    وحلو اوي موضوع ابو تريكة ده

    ردحذف
  24. .
    طبعا الفكرة جديدة وحلوة وواضحه
    غربته وفرحته انه هيبعد لا تساوى اى شئ فى وطنه
    ولم ينقذة سوى جار
    المحاكمه ظريفه جدا والشخصيات اختيارها جديد
    بطن الحوت والاضائه فكرتنى بفيلم كارتون كنت بتفرج عليه زمان فيه حاجه زى كدة
    تقريبا كان ميكى ماوس
    كمان الراجل ضحيه طابور العيش
    كلامك بيدور فى أطار مصرى اوى
    نتمنى دوام التواجد والف مبروك مدونتك الجديدة
    .

    ردحذف
  25. ايه الجميله
    لم يعد الهروب من البلد خيانه يا بنيتى فقد هربت مصر منا وما زالت هاربه ونبحث عنها ولا نجدها
    تحياتى يا بنيتى
    اشكرك على الزياره ومتهيأ لى اول زياره لى لمدونتك وارجوا ان تدوم بيننا الزيارات .. شرفتينى ونورتينى
    تحياتى

    ردحذف
  26. السلام عليكم

    انتى عارفه يا أيه فعلا الشباب كلهم دلوقتى عايزين ايه يسافروا أنا أخويا ما فيش على لسانه غير سيرة السفر لما زهقنا

    و ان جيتى للصراحه الحال هنا بأه صعب

    تحياتى

    ردحذف
  27. Tamer Diab
    سعيدة بوجودك هنا .. شكرا
    هى أول حاجه فعلا احطها هنا في المدونة .. بس مش أول حاجه اكتبها...
    الحمد لله انها نالت اعجابكم .. بانتظارك..

    ردحذف
  28. صفاء
    فعلا الجزء بتاع الاضاءة ده حسسنى بجو التمثيل ..
    بس مش شرط كرتون هههههههههه
    و جو القصة مصري جدااا زى ما بتقولى لانى مصرية جدااا..
    ميرسي لمرورك ...
    و ربنا يبارك فيكي..

    ردحذف
  29. fashkool
    جزاك الله خيرا..

    ردحذف
  30. زينب
    فعلا الحال صعب .. يا رب بإدينا يبقي احسن
    ربنا يصلح الاحوال يا رب..
    ميرسي لمرورك..

    ردحذف
  31. السلام عليكم

    مبروك علينا مدونتك
    ربنا يجعل ما تكتبه فيها في ميزان حسناتك ان شاء الله

    وقصه جميله وواقع بالفعل

    من وجهة نظري اللي عايز يشتغل بيشتغل في اي مكان وبينجح في اي مكان

    بس المشكله مش مشكله شغل اكتر منها مشكله ظروف واحوال لان البلد بتساعد ان الواحد يسبها وهو مش زعلان زي الاول انه هيتغرب لا بالعكس بيكون فرحان جدا لانه بيجد الراحه في بلد ليست ببلده للاسف الشديد

    انعدمت الراحه والهدوء هنا

    انا عن نفسي بجد اتمني اعيش في السعوديه لاني وجدت راحتي هناك وهدوء معيشه تريح النفس وليست حكايه ماديات

    دمت بخير

    غربتي

    ردحذف
  32. غربتى
    جزاكى الله خيرا..
    أنا معاكى فعلا إن اللي عايز ينجح .. بينجح في أى مكان ..
    بس الانسان مش بيشعر بالراحة غير في بلده .. مهما اتغرب إحساس بالأمان إنه في بلده بالرغم من كل السلبيات..
    بس عن إنك نفسك تعيشي في السعودية ..
    امممممممممم مش عارفه .. ربنا يكرمك و يوفقك في أي مكان!!

    ردحذف
  33. سلمت يداكي .....
    فعلا موهبة رائعة وكلام جميل
    وطبعا أنا بقولك رأيي أول بأول
    منتظرة كلامك الرائع ده دايما


    دمتي مبدعة

    ردحذف
  34. شكرا يا حبيبتى ..
    منورانى دايما..

    ردحذف
  35. جميلة يا اية
    عاجبني اوي انك متحمسة لمصر
    وياريت الشباب يكونوا زيك
    حتى اللي عايز يسافر منهم يكون نيته في السفر ده انه يخدم بلده
    يعني يتعلم عشانها ويتطور عشانهاوبرده يجيب الفلوس عشانها
    ربنا يصلح حال البلد بيك وبامثالك
    د.سارة

    ردحذف
  36. د. سارة
    يا ريت فعلا يا دكتورة سارة ..
    شكرا ليكي..

    ردحذف
  37. السلام عليكم ورحمة الله ..وبعد

    فأكيد القصة مكتملة فى رأسك ولكنها غير مكتملة فى رأسى.. لاأدرى هل مات الرجل أم جرح ومن هذه الشخصية التى ظهرت فى النهاية ؟

    اعذرينى .. ربما اعتدت أساليب معينة فى القراءة والكتابة وربما أسلوبك جديد على

    لكن سأحاول وسأستمر.

    دمتم بخير

    ردحذف
  38. د.توكل مسعود

    و عليكم السلام و رحمة الله و بركاته

    لا يهم يا دوك..

    لاء مامتش..
    و الرجل ده هو اللي حلم بيه و جاره ..
    هو جرح و جاله إغماء ووقع ..

    اعتذر إذا كنت لم تحب هذا النوع من الكتابه

    نورت
    و شكرا

    ردحذف
  39. ayah ,, ana ahmed akhoke,,
    leh betgee 3la el gar7 keda?
    w b3den very nice talking mash2 allah , u smart sensual and know how to express ur ideas
    bs howa feh point fe mwdo3 el traveling dah myfhmosh 3.eer ele ele 3andoh el problem dee,,
    el fekrah en el safr zee el 2akl w el shorb w ellove w keda,, howa shahowah 3and b3d el nas mn 3.eer sabab la felwas wala tmo7 wala 3.eroh ,
    bet7wl eltravel nfsoh lehadf ,,

    ردحذف
  40. أحمد..
    إيه النووووووووور ده كله ..
    ربنا يخليك يا أحمد و ميرسي لكلامك .. و انك شفت المدونة ..و من غير ما أقولك ..
    المهم انت عامل إيه يا رب تكون كويس ... و ابقي طمنا عليك دايما ..
    و ابقي ادعلنا كده و انت في غربتك عشان الإمتحانات ..

    أكيد طبعا انت أكتر و احد حاسس بموضوع السفر ده.. أكتر منى بكتير لإنى بتكلم عن تخيلي و رأيي في الموضوع بس .. لكن طبعا مجربتوش ..
    فكرة جديدة بصراحة و مخطرتش في ذهنى إن السفر بالنسبة للبعض زى الأكل و الشرب ..و إن ممكن يكون سفر لمجرد السفر مش شرط أحلام و طموح و كده .. بس أكيد جايز جدا ..
    شكرا ليك يا أحمد و يا ريت تبقي تتابعنا دايما ..

    ردحذف