الخميس، 9 أبريل 2009

::تاج برنسس يويو::



متأخرتش طبعا!! طبعا عارفين إنى مشغولة شوية في الإمتحانات لسه مخلصتش و تقريبا من أول مدخلت الكلية دى و أنا بمتحن فمقدرتش أتأخر أكتر من كده!
نبدأ بقي .. التاج ده كان جالى من الباشمهندس على درويش .. و هو عبارة شوية أسئلة المفروض أجاوب عليها .. استعنا علي الشقا بالله ...

إسمك؟؟
آيه

والمشهور بيه وسط إصحابك؟؟
و أنا صغيرة كانوا بيقولولى البرنسيسة و خصوصا المدرسين عشان دايما كنت بتأخر على الدروس و عموما بتأخر جامد .. أسامى الدلع يويو -أيوي - لولو .. و في ناس عارفنى باسم sandy bel عشان ده اسمى على المنتدى و على النت في حاجات كتير...و ده اسم كرتون كنت بحبه
أوى..

سنك؟؟
19



إسم المدونة ؟؟
مجرد فكرة
فكرة من الأفكار اللي مليان بيها دماغي و أى حد من حقه إنه يعبر عن الأفكار اللي جواه.. و أى حاجه كبيرة و مفيدة بتكون في الأول مجرد فكرة.. و أى تغيير و أى شيء جيد أو حتى مش جيد .. بيكون فكرة ..

مجرد فكرة ... من أفكار الإنسان .. الإنسان الطموح فقط.. محاولة تفاؤل .. محاولة لإعادة حضارتنا .. كمسلمين أولا و كمصريين و عرب .. هذا ما أبغيه .. و في هذه المدونة أعرض بعضا من أفكارى .. و قصصى القصيرة ..
غشيت الكلمتين دول من اللي أنا كاتباه فوق ..


مجال دراستك؟؟
حاليا أنا بدرس في كلية الصيدلة .. و قل لن يصيبنا إلا ما كتب الله لنا و إنا لله و إنا إليه راجعون.


.الصورة الرمزية لمدونتك بتعبر عن إيه؟؟؟
و الله هو أنا مكنتش ناوية أخليها البنت دى .. كنت في الأول حاطه الصورة اللي تحت البروفيل بتاعي اللي هى رجل شايل الكرة الأرضية.. لكن لقيت إن مينفعش بنوته تحط صورتها الراجل أبو عضلات ده .. كنت حطاه عشان
أحلم بالناس معى يحاولون أن يكونوا كأطلس الذي يحمل العالم في الأساطير الإغريقيه .. محاولة لعرض أفكار أفضل لهذا العالم ..
غشيتها منى بردو من من أنا ..
و الصورة الحالية بنت محترمة و حزينة و فيها شجن كده .. و بنت حلال .. شغاله يعنى ..

هل فكرت فى إغلاق المدونة؟؟
ده أنا لسه نونو خالص أقفلها ليه بس ..


هتعمل إيه لو حد قل أدبه عليك فى التعليق؟؟؟
هقوله ربنا يسامحك ..
لو حاجه مش حلوه خالص و مينفعش تتقال هلغيها طبعا .. و هعقب بعده .. و أشجب و أستنكر ..
و سأصرخ بأعلى صوتى ده مينفعش..
لو مجرد اختلاف و جدال هتناقش بتحضر و رقي ..عادى يعنى ..
هو قبل كده في حد قال كلمة يمكن تكون عادية جدا و تلقائية .. و هو إنسان كبير و محترم بس أنا مش هتبسط لو حد قالهالي في الشارع مثلا .. أنا ملغتهاش بس حسسته إن مينفعش يقول كده ..

أسوء مدونة ؟؟
هو كان في مدونة دخلتها .. واحد كان بيتكلم بأسلوب أدبي جميل و قصص بقي و كده .. اتبسطت جدا دخلت على الموضوع اللي بعده .. لقيته دخل شمال معرفش المفروض إنه هو بيتكلم في الأدب إيه اللي دخله في قلة الأدب معرفش!! هو كان جوه القصة بردو لكن مو ظريف..

و في مدونة تانيه كانت بنت صغيره شويه تقريبا .. فالبوست عباره عن إيه يا ترى ؟؟؟؟؟ صورة هبلة كده عجباها .. أو كوبليهين في أغنية ..
طبعا من حقها من حقها من حقها .. و كل واحد حر في مدونته .. مادامت جوجل اديت للناس الحق في عمل المدونات فكل واحد حر و أنا أكيد اللي غلطانه إنى دخلتها ..
بس أنا بحب لما أدخل مدونة أستفيد منها أو أعرف ناس بتفكر بطريقة جديدة و بصراحة بستفيد و بستمتع جدا بمدونات كتييير..

هيحصل إيه للإيميل بتاعك بعد ما تموت ؟؟
فكرت في السؤال ده قبل كده .. و قلت لازم أدى الباسورد لحد .. عشان لما أموت مصير العالم ميضعش ..على أساس إن أنا مين يعنى مش عارفه .. طبعا مفيش على الإيميل حاجات مهمة أوى بعد اما أموت هو كمان يتكل على الله أكيد هيبقي كفاية عليه كده..

أديت الباسورد لحد قبل كده؟؟


مرة قولته لبابا عشان كان عايز يلعب شطرنج أون لاين بس مركزش فيه .. يعنى تقريبا لاء..


السفر بالنسبة ليك؟؟
بحب السفر جدا .. رغم أبعد مكان رحته هو إسكندرية .. بس بستمتع بالسفر و الرحلات .. و بالنسبة للسفر خارج مصر فمرحبا بيه لو هستفاد .. و لو لمدة قصيرة ..

مودك إيه ؟؟
هادية و رايقة شوية غالبا .. قلقانة أحيانا و خصوصا أيام الإمتحانات .. مرحة و بحب أهزر كثيرا ..

بتعمل إيه فى وقت فراغك ؟؟
بحب القراءة جدا و بحبز الكتب الورقية .. لما بكون لوحدى بحب أقلب الشقة و اظبطها و اظبط نفسي أنا كمان عشان أنا دماغ شويتين .. بحب أعمل لنفسي جو حلو و الحاجة اللي قدامى تبقي مرتبة ..بحب أسمع الراديو و اعد على النت بس مش كتير .. و أتفرج على الكرتون ..

الأكلة المفضلة ؟؟
بموت في البيتزا و أكيد المحشي ورق العنب و الباذنجان .. و في الفاكهة البطيخ و التين و الرمان دول أكتر حاجة ..

الصفات اللى أنت ورثتها من والدك ؟؟

كتييييييير منها التفكير الكتير و صلة الرحم و القلق شوية و ممكن الهزار بردو ..و هو اللي شجعنى و حببنى من صغري في القراءة و أى صفة حلوة أكيد كان له دخل فيها..

الصفات اللى ورثتها عن والدتك ؟؟

مش عارفة ماما طيبة جدا و هى حببتنى في العربي و في القراءة و عودتنا من صغرنا على عادات حلوة ..
و ماما فيها صفات حلوة كتير أوى هى كلها حلوة أصلا بس أنا مش واخدة كتير منها...

أكتر ست حاجات بتكرهها؟؟
المعصية
الغباء
الظلم
الكذب
سوء الظن
التكبر
النفاق


أكتر ست حاجات بتحبهم ؟؟

بعد الله و رسوله
مصر
أسرتى و أقاربي
أصحابي
القراءة
بحب الصدق و الإخلاص و الثقافة

و بحب حجرتى و عالمى الخاص

شخصيتك نوعها إيه ؟؟
أقول إيه مثلا عسولة زيادة عن اللزوم و كريمة زيادة عن اللزوم و مثالية زيادة عن اللزوم .. و كفاية تواضع كده بقي..

بجد مش عارفة أقول إيه المفروض حد تانى يعرفنى اللي يقول هقول العيوب زى محمد أخويا .. أنا قلوقة و بلوم نفسي كتير ..


أجمل كلمة قيلت فى وصف مدونتك؟؟
أنت قلم راقى بين أقلام تهذى

سلمت يمينك ودام العطر الذى يفوح من كتاباتك

عجبنى ده .. و في ناس كتير قالت كلام جميل و بعتز بكل الردود..

أحسن بوست كتبته ؟؟
أنا مكتبتش كتير .. بس بعتز بالأولانى " في بطن الحوت"

أهمية التعليق بالنسبة ليك؟؟
مهم جدا طبعا بحس بالتفاعل .. و مش زى مثلا اللي بيقولوا بتكتب الجواب لمين يقولهم أنا بكتب الجواب لنفسي لاء أنا بكتبه عشان حد يقرأه..

أفضل بوست قرأته؟؟
كتير مش هعرف أحدد بصراحة

لماذا دخلت عالم التدوين ؟؟
شيء جميل إنك تنشر الحاجة اللي بتكتبها و تلاقي حد يقرأها .. و المدونة تحس إنها ملكك الخاص و واخد راحتك فيها غير المنتديات مثلا .. و محمد أخويا د.عرفة شجعنى .. و عملت المدونة على طول بعد إقتراح صاحبه د.أحمد سعيد بسيونى ..

الإنترنت بالنسبة ليك إيه ؟؟

ناااس كتيييير و أفكاار كتير و تتضيع وقت كتير بردو ..

تمرر التاج لمين؟؟
صفاء
و بحر الدموع


هناك 43 تعليقًا:

  1. جميلة إجاباتك
    ربنا يكرمك ويوفقك

    ردحذف
  2. طبعا انا أشكرك على اجابتك للتاج ومش كسفتيني

    على فكره أجاباتك حلوه
    أما بالنسبه للشخصيه واللي انا هحكم عليها من خلال الكلام اللي فوق بس

    شخصيتك شخصيه مرحه تحب النظام متواضعه تحب ان تكون مختلفه
    تحب ان تكون أفضل وتسعي للنهوض بنفسها
    احيانا تكره التركيز وعلى فكره دي بتكون في ناس كتير وانا قلت احيانا وليس دائما

    بس كفايه كدا

    وعلى فكره وقت الكليه والدراسه بيعدي بسرعه جدا يعني انا أخر سنه ومش مصدق ان انا بقالي 5 سنين في الكليه

    ربنا يوفقك لما يحبه ويرضاه

    دمت بكل خير

    ردحذف
  3. اجابات جميلة يا آية

    هو كل الناس بتحب البيتزا ليه ؟

    :)

    ردحذف
  4. اجابات جميلة يادكتورة
    ربنا يكرمك ويوفقك
    وان شاء الله تخلصى امتحانات وتنجحى بتفوق
    تحياتى
    ودمتى بكل خير وود

    ردحذف
  5. سلام عليكم
    اولا حابب اعلق على المهندس على
    هو حاول يحلل شخصيتك اظن ان محاولته كانت كويسة
    بس ما عدا بتحب النظام دى
    ههههههههههههه

    وبعدين انتى قولتى الصفات اللى خدتيها من بابا وماما
    مفيش حاجة خالص من محمد ولا ايه
    هو مأثرتش فيكى خالص كده
    هههههههههههههه

    وبالنسبة لمودك
    بسجل اعتراضى عليه
    علشان مش دايما رايقة وهادية ولا حاجة
    هههههههههههه
    بتتعصبى كتير وخصوصا لما هتقرى التعليق بتاعى
    ههههههههههههه
    اجاباتك مميزة يآية


    وكان لازم ادخل اهاجم فى تعليقى
    يعنى ادخل اقعد امدح فى اختى يعنى

    ردحذف
  6. mohamed ghalia
    شكرا ليك
    نورتنا..

    ردحذف
  7. مهندس / على درويش
    طبعا يا باشمهندس و أنا أقدر أكسفك ..
    تحليلك منطقي و سليم ...
    و عقبالي لما أبقي في آخر سنة زى حضرتك..

    ردحذف
  8. حسام غانم
    آه بحبها جدا
    متعرفش مطعم بيتزا حلو كده أروح أسرقه..
    ههههههههه
    نورت يا دوك..

    ردحذف
  9. المعتصم
    ربنا يخليك يا رب ..
    شكرا على الدعوتين الجمال دول..
    أسعدنا تواجدكم..

    ردحذف
  10. د.عرفه
    مش هقول أهلا و سهلا بمحمد أخويا و لا حاجه عشان أنت تعصب من غير حاجه..
    بلاش أنت يا مادا .. و الله عمري مابعرف أعمل حاجه و حواليا مش منظم و مش بحب أبدأ في حاجه غير لما أرتب أفكاري .. و بحب النظام في كل حاجه ..
    إيه ده بقالك معايا 19 سنة و متعرفش كده إذا أنت في مأزق!! أو بترخم لمجرد الرخامة فقط..

    و بعدين هبقي أقول الصفات دى لو كان السؤال ..
    إيه الصفات اللي خدتيها من محمد!!

    و بالنسبة للعصبية:
    أولا أنا قولت هادية و رايقة شوية غالبا مش دائما..
    لو سألت أى حد هيقولك كده أنا مردتش أقول الاسم التانى اللي كانت خالتك و أقاريبك قايلينوه و هو عبده الرايق.. هههههههه
    و بابا و ماما و أصحابي و كلهم .. لحد دلوقت ..
    و بعدين أنا بحس بنفسي ..ههههههه
    و محدش بيعصبنى أدك يا محمد و الله ههههههههههه و بلاش نسيح بقي في المدونات ..
    و كفاية رغي بقي ..
    يلا سلام ..


    و نسيت أرد على مهندس على في موضوع التركيز ده
    فعلا كتير ببقي مرهقة و مهيسة فبكون مش مركزة ..
    و إمبارح و أنا بكتب البوست كنت راجعة من الإمتحان مهدودة جداااااااا و مكنتش نايمة قبلها ..

    ردحذف
  11. محمد أخويا حبيبي
    (أكيد هحتاجه في يوم من الأيام لما أسحب ناعم شوية)

    أكيد يا محمد خدت منك صفات كتير حلوة و اتأثرت بيك ..
    بس بخاف من الحسد لو مدحت فيك و لا حاجة تتحسد..

    بالنسبة للنظام:
    فأنا ببدأ منظمة و بعدين بفركش بعد كده.. و طبعا أنت أدرى منى يا حبيبي..

    و العصبية : في حاجات أكيد بتعصبنى .. زى أى بشر طبيعي ..

    ردحذف
  12. الدكتور الجميله العسوله عن جد مش هزار زيك بقى
    خفيفه الدم وفوقهم الرقيقه جدااا
    لا دماغ دماغ يعنى
    ميرسي خااالص على التاج الفخم العظيم دة يا دكتور

    تحياتى ومودتى يا قمر
    .

    ردحذف
  13. السلام عليكم
    أزيك يا حبيبه؟
    ايه اخبارك يا قمر؟

    "مجال دراستك؟؟
    حاليا أنا بدرس في كلية الصيدلة .. و قل لن يصيبنا إلا ما كتب الله لنا و إنا لله و إنا إليه راجعون."
    إن شاء الله كل خير ... الله عند حسن ظن عبده بيه خلى ظنك بربك خير وإن شاء الله يسعدك

    "هتعمل إيه لو حد قل أدبه عليك فى التعليق؟؟؟
    لو حاجه مش حلوه خالص و مينفعش تتقال هلغيها طبعا .. و هعقب بعده .. و أشجب و أستنكر ..
    و سأصرخ بأعلى صوتى ده مينفعش.."
    براحه على نفسك شويه فين الهدوء بقى!!!!!! :-))

    "لو مجرد اختلاف و جدال هتناقش بتحضر و رقي ..عادى يعنى .."
    يا سلام على التناسب مع المواقف يا ولد يا خطير يا جامد

    "بتعمل إيه فى وقت فراغك ؟؟بحب القراءة جدا و بحبز الكتب الورقية .. لما بكون لوحدى بحب أقلب الشقة و اظبطها و اظبط نفسي أنا كمان عشان أنا دماغ شويتين .. بحب أعمل لنفسي جو حلو و الحاجة اللي قدامى تبقي مرتبة ..بحب أسمع الراديو و اعد على النت بس مش كتير .. و أتفرج على الكرتون .."
    عظيم لقيت حاجه متشابهين فيها اهه
    تمام ده اللى بحب اعمله بس اضيفى عليه فى المقام الاول انى احاول اقابل اصحابى

    ردود حلوه زى صاحبتها
    دمتى بود

    ردحذف
  14. صفاء

    صفصف الذكية السكر ..
    شكرا علي الكلام الجميل ده ..
    و ميرسي علي إيه ده اقل واجب..

    ردحذف
  15. وحى القلم
    و عليكم السلام و رحمة الله و بركاته
    أنا الحمد لله بخير يا رب تكونى انتى كمان تمام ..
    شكرا علي تعقيباتك..
    و أنا كمان بحب أقابل أصحابي .. بس ده مش بيكون في وقت فراغ ههههههههه
    نورتينى يا قمر ..
    ميرسي ليكى

    ردحذف
  16. اية
    تقبلى مرورى
    ردودك كلها متزنة
    بارك الله فيك
    شكرا لزيارتك مدونتى

    ردحذف
  17. ربنا يخليكوا لبعض يا دكاتير وهي جمع دكتور

    وبعدين يا دكتور محمد عيب عليك لما تلاقي ان أختك مش منظمه ومتحاولش تأثر فيها بنظامك والتزامك بالنظام الفكري والأدبي والثقافي اللي هو المجهول حتي الأن


    وعايشين مع بعض متعرفوش بعض كويس ما شاء الله

    والحمدلله انك أخدتي حاجه من محمد بيه
    أصله هو مليان حجات حلوة كتير غامضه
    ربنا يوفقك وتكتشفيها


    تحياتي ودمتم بكل خير

    ردحذف
  18. تتشرف كلا من رابطة مدونون من أجل فلسطين والمبادرة النسائية لنصرة فلسطين بالاسكندرية بدعوتكم لحضور المهرجان التضامنى مع ايتام غزة وذلك يوم الجمعة القادم 17/4 بنادى المحامين بجليم فى تمام الساعه 3.30 والدعوة عامة

    ردحذف
  19. التاج فرصة طيبة لمعرفة هوية الشخصية وأسرارها

    جميلة هي تلك الإجابات ..ادام الله بلاغة لسانك
    في مدونتي تاج آخر لكي لكن بشكل مختلف قليلا..أسئلته فلسفية الى حد كبير

    الحارة سد

    ردحذف
  20. ربنا يحقق امانيكي كلام جميل

    وشكرا بجد
    اتمني لكي زياره مدونتي وشكرا

    ردحذف
  21. مهندس/علي درويش

    إيه ؟؟ عايز توقع بنا مش هتعرف بردو
    ههههههه
    ربنا يخلينا لبعض أنا و أخويا ..
    و محمد أكيد بجد فيه حاجات حلوة و بستفيد منه كتير طبعا..

    و شكرا مرة تانية ..

    ردحذف
  22. رابطة مدونون من أجل فلسطين
    وفقكم الله لما يحب و يرضى ..
    و أعانكم على الخير ..
    اللهم انصر الإسلام و أعز المسلمين..

    ردحذف
  23. حارة سد
    يا رب تكون الفكرة اللي أخدتوه كويسه ..
    و إن شاء الله في زيارة الآن لمدونتك !!
    شكرا لزيارتك الكريمة

    ردحذف
  24. القدر و أنا

    جزاكِ الله خيرا ..
    شكرا لزيارتك أتمنى أن تتكرر..




    أمنيتى
    شكرا لزيارتك..
    نورتنا..

    ردحذف
  25. اجاباتك جميلة يادكتورة اية ربنا يوفقك فى الامتحانات يارب وترجعى تمتعينا بكتاباتك معلش اقبلى اعتذارى لعدم مرورى على المدونة من فترة

    ردحذف
  26. اتبسطت اوي يا اية لما اتعرفت عليك اكتر
    بس زعلت انك بتحبي السفر وفي نفس الوقت ماجيتيش معانا القاهرة... كنت هتبسط اوي بجد لو شفتك يومها
    وكان يوم جميل بس كان ناقصك :(
    يلا خير .. بس بعد كده مش هنتنازل عن وجودك معانا
    انا زيك برده بحب البطيخ اوي P:
    اشوفك على خير ياااااااااااااااااااااارب
    د.سارة

    ردحذف
  27. د. سارة

    شكرا يا دوك..
    بس بجد مكنش ينفع خالص اجى معاكم إن شاء الله مرة تانيه..

    إن شاء الله لازم نتقابل تانى

    ردحذف
  28. د آيه ما شاء الله عسولة جدا وقريبة من القلب دمتى بخير وسعادة وان شاء الله مش اخر زيارة لمدونتك الجميلة
    تحياتى

    ردحذف
  29. مامة مازن

    نورتى المدونة كلها .. و مازن كمان منور...
    مستية حضرتك تانى..

    ردحذف
  30. رنـــــــــــوون17 يوليو 2009 في 5:01 م

    Thank you very much,AYA
    جميييل جدا يا ايوي بجد انتي شخصية جميلة قوي قوي
    اصلا انا اعرفك من غير مدونة ولا حاجة انتي شخصية مية مية

    ردحذف
  31. نحن في شركة نظافه بالخبر نعد الافضل في مجال تنظيف الشقق لاننا نهتم بادق التفاصيل المهمة التي تعطي انطباع جيد لدي عملائنا لهذا فنحن شركة نظافه بالخبرنستخدم أفضل الادوات التي تستخدم في عملية التنظيف العالمية التي تستخدم في افضل الدول العالمية شركة تنظيف بالخبر
    شركة نظافة بالخبر
    فى شركة نظافه بالخبر نقوم بأستيراد المواد المتخصصة من الدول الكبرى في تصنيع المنظفات و نستخدم ماكينة التنظيف بالبخار حيث انها تعمل علي تنظيف كافة اماكن الشقق باحترافية تامة فهذا المجال يريد عمالة اخترافية متدربة علي احدث الادوات الحديثة المتخصصة في مجال التنظيف شركة تنظيف شقق بالخبر

    ردحذف
  32. مؤسسة ملوح الحربي اتنفيذ صور مظلات بتصميمات حديثة مناسبة لكل طلبات المستخدمين:صور مظلات سيارات, صور مظلات الحدائق , مظلات أماكن الجلوس, صور مظلات خارجية, تنفيذ أحدث صور مظلات وسواتر, تنفيذ صور برجولات , مظلات جلوس.
    https://www.malooh-alharbi.com

    من اعمالنا:
    تركيب مظلات مساجد

    اشكال مظلات جديدة

    مظلات جلوس مميزه

    اشكال مظلات السيارات0500727567اشكال مظلات السيارات

    تركيب مظلات سيارات


    ورق حائط شبابي0500727567ورق جدران شبابي

    تصميم بيت شعر0500727567 بيوت شعر للبيع

    ارضيات ثري دي ابوكسي حوائط اسقف ارضيات ثلاثيه ‏الابعاد3d في جده جوال 0500727567
    وحماية مضمونة للسيارات مؤسسة ملوح الحربي0500727567‏‎ مظلة للسيارة أسعار رخيصة

    -مقاول بناء وتشطيب بمدينة جدة-مؤسسة ملوح الحربي0500727567افضل مقاول بجدة

    تركيب هناجر

    صور هناجر

    موقعنا الرسميhttps://www.malooh-alharbi.com
    جوال 0500727567‏‎

    ردحذف
  33. شركة الأفضل تقدم افضل شركة عزل اسطح بالرياض عملائنا الكرام كثيراً من المنازل تحتاج إلى العزل لكي يتم الحفاظ على المنزل وسلامته وبالتالي الحفاظ على سلامتكم ,افضل اسعار شركات عزل فوم مائي وحراري للاسطح وخزانات مياه الشرب ز يعتبر عزل أسطح المباني او عزل واجهات المباني من اهم انواع العزل، وذلك لانه يعمل على حماية المبنى ضد عوامل الجو ويحتفظ على درجة حرارة المبنى صيفا او شتاءا. شركة كشف تسربات المياه بالجبيل
    شركة كشف تسربات المياه بالخبر
    شركة كشف تسربات المياه بالدمام

    ردحذف
  34. قبطان الخليج -0504353061-يُعد الأثاث من أكثر الأشياء التي تحتاج إلى حرص ودقة بالغة عند القيام بنقلها شركة نقل عفش بالظهران
    تحرص على تقديم الضمان اللازم عن العمل الذي تقوم به لعملائها الكرام، فالضمان بدوره يطمئن العميل وفي النفس الوقت يضمن مصداقية الشركة شركة نقل اثاث بالظهران

    ردحذف
  35. فنى تركيب ستائر بالدمام عميلنا العزيز شركتنا تقدم لكم مجموعه من افضل النصائح العامه و الهامه لعمليه اختيار الستائر و ذلك مثل عند اختيار ستائر ... عامل تركيب ستائر بالدمام
    فني تركيب ستائر بالدمام
    تركيب ستائر بالدمام

    ردحذف
  36. أفضل شركة صيانة مكيفات بالدمام تجدها لدينا للعديد من الاسباب، أول تلك الأسباب هو مستوى الاهتمام الخاص بنا، حيث أننا نهتم جدا بأن يكون عميلنا راضي كل الرضا عن مستوى المهارة العالية في خدمات التصليح والصيانة، لدينا ... شركه صيانه مكيفات بالدمام
    شركة تركيب مكيفات بالدمام شركة تركيب مطابخ بالدمام
    فنى تركيب مكيفات بالدمام عامل تركيب ستائر الدمام
    تركيب ستائر ايكيا
    شركة تنظيف مكيفات بالجبيل تركيب سرير ايكيا

    ردحذف
  37. فضل شركة تركيب اثاث ايكيا بالدمام تعتمد توفير الراحة إلى عملائها الكرام بكل مكان بالمملكة، خاصة إن كنت تخطط شراء أثاثك من إيكيا التي تمتاز باحترافها الكبير في تصميم الغرف و فك وتركيب الستائر و المطابخ شركة تركيب مطابخ بالدمام نجار تركيب اثاث ايكيا بالخبر
    عامل تركيب ستائر الدمام فك وتركيب اغراض ايكيا الخبر
    تركيب ستائر ايكيا بالدمام عمال تركيب غرف نوم الدمام

    ردحذف
  38. شركه تخزين عفش بالدمام تقوم بحفظ الاثاث بطرق حديثة نتيجة إلى إتباع احدث طرق التغليف كما يتم عقد بجميع الممتلكات المراد تخزينها ولدينا عمالة مدربة بشكل قوي. تخزين عفش بالدمام
    تخزين اثاث بالدمام

    ردحذف
  39. ان حشرة البق تشكل خطورة كبيرة علي المنازل وحصوصا الاطفال لذلك يمكنك ايجاد الحل الامثل من خلال شركة مكافحة البق بالدمام حيث تضم الشركة افضل الخبراء فهي افضل شركة مكافحة البق بالدمام شركة مكافحة البق بالدمام
    شركة مكافحة البق بالخبر
    افضل شركة مكافحة النمل الابيض بالقطيف شركة  انوار طيبة ونصلك اينما كنت نستخدم افضل المبيدات للقضاء علي الحشرات النمل والصراصير وبق الفراش والوزع والنمل الابيض وجميع الحشرات الزاحفة ,مكافحة جميع انواع الحشرات باستخدام افضل المبيدات المستوردة والمحلية لضمان القضاء علي الحشرات مع الضمان وخصومات هائلة شركة مكافحة النمل الابيض بالدمام
    شركة مكافحة النمل الابيض بالخبر

    ردحذف
  40. افضل شركة مكافحة النمل الابيض بالقطيف شركة  انوار طيبة ونصلك اينما كنت نستخدم افضل المبيدات للقضاء علي الحشرات النمل والصراصير وبق الفراش والوزع والنمل الابيض وجميع الحشرات الزاحفة ,مكافحة جميع انواع الحشرات باستخدام افضل المبيدات المستوردة والمحلية لضمان القضاء علي الحشرات مع الضمان وخصومات هائلة شركة مكافحة النمل الابيض بالقطيف
    شركات مكافحة حشرات ورش مبيدات بالدمام هل تبحث عن شركة مكافحة حشرات بالسعودية هل لديك نمل في المطبخ او حشرة البق في الخشب؟ هل عندك صراصير او نمل او فئران وتفسد عليك حياتك في منزلك او شركتك؟ لا تقلق فهناك العديد من شركات مكافحة الحشرات في السعودية وأيضا يوجد العديد من شركة رش مبيدات ومكافحة الحشرات بالدمام شركة رش مبيدات بالدمام

    ردحذف
  41. شركة صيانة مكيفات بالدمام تقوم شركتنا بغسيل وصيانة وتركيب جميع انواع المكيفات سواء مكيفات اسبلت، مركزية، شباك كما نوفر قطع غيار مكيفات اصلية شركه صيانه مكيفات بالدمام
    شركة تركيب مكيفات بالدمام

    ردحذف
  42.  فني تركيب مكيفات بالدمام. تقدم شركة تركيب مكيفات بالدمام أبرز خدماتها في مجال تركيب المكيفات التي لا يمكن أن يستغنى عنها أي منزل في المملكة  فنى تركيب مكيفات بالدمام

    شركة تنظيف مكيفات بالجبيل

    ردحذف